Qazaqstan men Qytaı Іle oıpatyndaǵy ýran kenishin birlesip barlamaqshy

ASTANA. KAZINFORM — Astanadaǵy «Ortalyq Azııa — Qytaı» ındýstrııalyq-ınvestıtsııalyq yntymaqtastyq forýmynda transshekaralyq ýran kenishin birlesip barlaýǵa múmkindik ashatyn kelisimge qol qoıyldy.

— Q.I. Sátbaev atyndaǵy Geologııalyq ǵylymdar ınstıtýty men Qytaı geologııa ýnıversıteti, CNNC geobarlaý korporatsııasy jáne Xiamen Wanli Stone Co., Ltd kompanııasy transshekaralyq ken beldeýlerin salystyrmaly túrde birlesip zertteýge baǵyttalǵan negizdemelik kelisimge qol qoıdy. Bastama aıasynda taraptar ýran keni bar «Tómengi Іle oıpaty — Іle óńiri» beldeýin ıadrolyq energetıka salasyndaǵy orta jáne uzaq merzimdi yntymaqtastyq josparyna engizýge kúsh salady, — dep jazylǵan «Kazakh Invest» kompanııasynyń málimetinde.

Eske salsaq, buǵan deıin Qazaqstan ekinshi AES salatyn konsortsıýmnyń tizginin Qytaıǵa berýge nıetti ekenin málim bolǵan edi.