Qazaqstan men Qytaı birlesken ǵylymı-zertteý mekemesin qurýdy talqylady
ASTANA. KAZINFORM – Qazaqstan men Qytaı elimizde avtomobıl joldary salasyndaǵy birlesken ǵylymı-zertteý mekemesin qurý máselesin talqylady. Bul týraly «Kaztraffic 2026» halyqaralyq kórmesinde Qytaı Kólik mınıstrligine qarasty Avtomobıl joldary ǵylymı-zertteý ınstıtýtynyń prezıdenti Sýn ıÝnhýn málimdedi.
Onyń sózinshe, bıylǵy birinshi jartyjyldyqta Qazaqstan jol ǵylymı-zertteý ınstıtýtynyń delegatsııasy Qytaıǵa barǵan. Kezdesýde avtomobıl joldaryn salý, basqarý, kútip ustaý jáne paıdalaný máseleleri talqylanyp, yntymaqtastyq týraly kelisimge qol qoıylǵan.
– Beıjińde Qazaqstanda birlesken ǵylymı-zertteý mekemesin qurý máselesin talqyladyq. Bul joly konferentsııaǵa qatysýmen qatar, ekijaqty yntymaqtastyqty odan ári tereńdetý úshin naqty jumys júrgizýdi kózdep otyrmyz, – dedi Sýn ıÝnhýn.
Onyń aıtýynsha, Qytaıdyń Avtomobıl joldary ǵylymı-zertteý ınstıtýtynda júrgizýshisiz kólikterdi synaýǵa arnalǵan jabyq alań, kópirler men tonnelderdi zertteý keshenderi bar.
Instıtýt jol salý tehnologııalaryn zertteýden bastap olardy tájirıbede synaýǵa jáne standarttar ázirleýge deıingi jumystardy júrgizedi.
Sýn ıÝnhýn Qazaqstanmen turaqty tájirıbe almasýǵa jáne birlesken jobalardy úılestirýge daıyn ekenin atap ótti.
Aıta keteıik, buǵan deıin Qazaqstan men Qytaı arasyndaǵy úshinshi temirjol ótkelin ashýǵa múmkindik beretin Baqty – Aıagóz temirjol jelisin 2027 jyly iske qosý josparlanǵanyn jazǵan edik.