Qazaqstan men Qytaı bıznesi 5,2 mlrd dollar somasyndaǵy qujattarǵa qol qoıady

ASTANA. KAINFORM - QR Syrtqy ister mınıstrligi Investıtsııa komıtetiniń tóraǵasy Ǵabıdolla Ospanqulov Qazaqstan men Qytaı arasyndaǵy jobalarǵa túsinik berdi.

«Qazaqstan men Qytaı arasyndaǵy ınvestıtsııalyq jáne ekonomıkalyq qarym-qatynas jyl saıyn ósip keledi. Byltyr 1,2 mlrd AQSh dollary somasynda ınvestıtsııa tartyldy. Jalpy, keıingi 10 jylda 14 mlrd dollar ınvestıtsııa Qytaıdan keldi. Sonymen qatar, Qytaıǵa Qazaqstannyń tarýarlaryn eksporttaý ósip jatyr. Búgingi forým aıasynda 45-ten astam ekonomıkalyq qujatqa qol qoıylady. Onyń quny 5,2 mlrd AQSh dollaryn quraıdy», - dedi Ǵ.Ospanqulov Qazaqstan – Qytaı iskerlik keńesi kezinde tilshiler suraǵyna jaýap bere otyryp. 

Bul turǵyda ol júzege asyrylatyn iri jobaǵa toqtaldy.

«Bizde Transkaspıı halyqaralyq dálizi iske qosylǵanyn bilesizder. Sıande bizdiń qurǵaq portymyz bar. Búgingi qol qoıylatyn qujat aıasynda «Qazaqstan temir jolynyń» úlken jobasy iske asyrylmaq. Onyń nátıjesinde taýar tasymaly birden ulǵaıady. Bul óz kezeginde Eýropa men Qytaı arasyndaǵy turǵan Qazaqstan úshin úlken múmkindik. Qytaı naryǵyn biz tıimdi paıdalanýymyz kerek. Logıstıkalyq jobalardan bólek, medıtsınalyq zattardy shaǵaratyn salaǵa mán berilgen», - dedi Investıtsııa komıtetiniń tóraǵasy.