Qazaqstan men Qytaı beıbit atom salasyndaǵy yntymaqtastyqty nyǵaıtyp jatyr
ASTANA. KAZINFORM - Qazaqstan Respýblıkasynyń Atom energetıkasy agenttiginiń tóraǵasy Almasadam Sátqalıev Qytaı Halyq Respýblıkasynyń Ekologııa jáne qorshaǵan ortany qorǵaý mınıstriniń orynbasary, ıAdrolyq qaýipsizdik jónindegi ulttyq basqarmanyń basshysy Don Baotonmen kezdesý ótkizdi.
Agenttiktiń baspasóz qyzmetiniń habarlaýynsha, kelissózder Astana qalasynda ótip, atom energııasyn beıbit maqsatta paıdalaný salasyndaǵy qazaqstan-qytaı yntymaqtastyǵyn keńeıtý máselelerine arnaldy.
Taraptar eki eldiń retteýshi organdary arasyndaǵy praktıkalyq yntymaqtastyq perspektıvalaryn talqylady.
Qazaqstan tarapynan lıtsenzııalaý, qadaǵalaý jáne tehnıkalyq saraptama sekildi negizgi baǵyttar boıynsha tájirıbe almasýǵa qyzyǵýshylyq bildirildi.
Almasadam Sátqalıev qytaılyq delegatsııany Atom energetıkasy agenttiginiń qurylýy jáne atom salasyndaǵy qaýipsizdikke jaýapty jańa retteýshi organ – Atomdyq qadaǵalaý jáne baqylaý komıtetiniń qurylýymen tanystyrdy. Ol Qazaqstannyń halyqaralyq standarttar men úzdik álemdik tájirıbelerdi engizýge, sondaı-aq retteý, ekologııalyq turaqtylyq pen ıadrolyq qaýipsizdik salasyndaǵy ozyq tájirıbege beıimdelip otyrǵanyn atap ótti.
Kelissózder barysynda atom elektr stantsııasyn salý jobasyn iske asyrý, ıadrolyq otyn tsıkli baǵytyndaǵy yqtımal yntymaqtastyqqa, sondaı-aq ǵylymı-tehnıkalyq ınfraqurylymdy damytýǵa erekshe nazar aýdaryldy.
Qazaqstan tarapy AES jobasyn iske asyrýdyń barlyq kezeńinde ıadrolyq jáne sý-ekologııalyq qaýipsizdikti qamtamasyz etý boıynsha Qytaı tájirıbesin zerdeleýge qyzyǵýshylyq tanytty.
AES salýǵa daıyndyq aıasynda tehnologııa jetkizýshilerdiń short-lısti jasaqtalǵany atap ótildi. Bul tizimge qytaılyq HPR-1000 reaktorlyq tehnologııasyn usynatyn CNNC kompanııasy da kirdi.
Qytaı delegatsııasynyń sapary ekijaqty ózara is-qımyldy damytýdaǵy mańyzdy kezeńge aınalyp, Qazaqstan men Qytaıdyń beıindi vedomstvolary
Osyǵan deıin MAGATE mamandary Astanada atom energetıkasy salasyndaǵy lıtsenzııalaý máselesin talqylaıtyny týraly jazdyq.