Qazaqstan men Qytaı basshylary Astana men Beıjińdegi mádenı ortalyqtardy ashty

ASTANA. KAZINFORM – Eki el basshylary Qazaqstannyń Beıjińdegi jáne Qytaıdyń Astanadaǵy mádenı ortalyqtaryn saltanatty túrde ashty, dep habarlaıdy Aqordanyń baspasóz qyzmeti.

Bul ortalyqtar eki memlekettiń gýmanıtarlyq yntymaqtastyǵyn damytýdyń jańa kezeńine jol ashady. Sondaı-aq dostas eki el halyqtary arasyndaǵy ózara túsinistikti nyǵaıtýǵa baǵyttalǵan túrli mádenı sharalar, kórmeler, dárister men sheberlik sabaqtaryn ótkizýge arnalǵan alańǵa aınalady.

Foto: akorda.kz