Qazaqstan men Qytaı atom salasyndaǵy yntymaqtastyqty keńeıtedi
ASTANA. KAZINFORM — QR Atom energııasy jónindegi agenttiginiń tóraǵasy Almasadam Sátqalıev Qytaı Halyq Respýblıkasynyń Atom energııasy jónindegi agenttigi tóraǵasynyń orynbasary Lıý Tszınmen kezdesý ótkizdi.
Agenttik málimetinshe, kelissózder barysynda atom salasynyń áleýetin damytý, ǵylymı-tehnıkalyq yntymaqtastyq baǵyttary, ınnovatsııalar jáne kadrlar daıarlaý máseleleri talqylandy.
— Taraptar ekijaqty ózara is-qımyldyń joǵary deńgeıin atap ótip, atom energııasyn beıbit maqsatta paıdalaný salasyndaǵy birlesken jumysty keńeıtýge daıyn ekendikterin rastady, — delingen habarlamada.
Osyǵan deıin Atom elektr stantsııasynyń ulttyq operatory uǵymy engiziletinin jazǵan edik.
Sonymen qatar, Qazaqstan atom energetıkasyn damytý aıasynda alǵashqy stantsııalar úshin III+ býyndaǵy zamanaýı reaktorlyq tehnologııalardy qoldanýdy josparlap otyrǵany habarlandy.
