Qazaqstan men Qytaı arasyndaǵy taýar aınalymy $30 mlrd asty
ASTANA. KAZINFORM — 2025 jyldyń qańtar-tamyz aılarynda Qazaqstan men Qytaı arasyndaǵy saýda kólemi ótken jyldyń sáıkes kezeńimen salystyrǵanda 5,7 paıyzǵa ósip, 30,68 mlrd AQSh dollaryn qurady, dep habarlaıdy QHR Bas keden basqarmasy.
Xinhua agenttiginiń dereginshe, esepti kezeńde Qytaıdyń Qazaqstanǵa eksporty 6,9 paıyzǵa ósip, 19,4 mlrd dollardy qurady.
Al Qazaqstannan Qytaıǵa ımport kólemi 3,9 paıyzǵa artyp, 11,28 mlrd dollarǵa jetti.
QHR Bas keden basqarmasynyń málimetinshe, 2024 jyly Qazaqstan men Qytaı arasyndaǵy taýar aınalymy 43,82 mlrd dollardy qurap, 2023 jylmen salystyrǵanda 6,8 paıyzǵa ósken.
Buǵan deıin habarlanǵandaı, Qazaqstan Qytaıdyń «Bir beldeý, bir jol» bastamasy aıasynda ınvestıtsııa tartý boıynsha eń iri seriktesine aınaldy.