Qazaqstan men Qyrǵyzstan SІM basshylary telefon arqyly sóılesti
ASTANA.KAZINFORM - Qazaqstan Syrtqy ister mınıstri Ermek Kósherbaev Qyrǵyz Respýblıkasynyń Syrtqy ister mınıstri Jeenbek Kýlýbaevpen telefon arqyly sóılesti.
Suhbat barysynda syrtqy saıası vedomstvolardyń basshylary osy jyldy qorytyndylap, baýyrlastyq pen tatý kórshilik rýhyndaǵy qazaq-qyrǵyz odaqtastyq qatynastarynyń júıeli ári ornyqty damyp kele jatqanyn atap ótti.
Mınıstrler ekijaqty ózara is-qımyldyń ózekti máseleleri men bolashaǵyn talqylady. Qazaqstan Prezıdenti Qasym-Jomart Toqaevtyń osy jyly tamyzda Bishkekke jasaǵan resmı saparynyń, sondaı-aq Qazaqstan men Qyrǵyzstan Joǵary memleketaralyq keńesi 7-shi otyrysynyń qorytyndylaryna jáne joǵary deńgeıde qol jetkizilgen ýaǵdalastyqtardy is júzinde júzege asyrý máselelerine erekshe nazar aýdaryldy.
Saıası dıalogty odan ári nyǵaıtýǵa, sondaı-aq saýda-ekonomıkalyq, ınvestıtsııalyq, kólik-logıstıkalyq jáne mádenı-gýmanıtarlyq salalardaǵy yntymaqtastyqty keńeıtýge jan-jaqty járdem kórsetýge ózara daıyndyq bildirildi.
Sonymen qatar taraptar óńirlik jáne halyqaralyq kún tártibindegi ózekti máseleler boıynsha pikir almasyp, aldaǵy jylǵa josparlanǵan halyqaralyq is-sharalar kestesin qarastyrdy.
Aıta keteıik, Qyrǵyzstanda shetel azamattaryna rezıdent-karta beriledi.