Qazaqstan men Qyrǵyzstan shekarasyndaǵy eki baqylaý-ótkizý beketi kópbaǵytty bolady
BІShKEK. KAZINFORM – Qyrǵyzstan Parlamentiniń Halyqaralyq ister, qorǵanys, qaýipsizdik jáne kóshi-qon komıteti qazaq-qyrǵyz shekarasyndaǵy ótkizý beketteriniń mártebesi men jumys rejımin ózgertetin zań jobasyn birinshi oqylymda maquldady, dep habarlaıdy Kazinform-nyń Bishkektegi menshikti tilshisi.
Qyrǵyzstan Respýblıkasy Memlekettik shekara qyzmeti dırektorynyń orynbasary Marat Maralbaev 2025 jyldyń 22 tamyzynda Bishkekte qol qoıylǵan «Qyrǵyzstan Respýblıkasy Úkimeti men Qazaqstan Respýblıkasy Úkimeti arasyndaǵy Memlekettik shekara arqyly ótkizý beketteri týraly 2003 jylǵy 25 jeltoqsandaǵy kelisimge ózgerister engizý týraly hattamany ratıfıkatsııalaý týraly» zań jobasyn tanystyrdy.
Qujatta «Tómónkú-Chúı-avtodorojnyı» jáne «Kıchı-Kapka-avtodorojnyı» baqylaý-ótkizý pýnktteriniń mártebesin ekijaqtydan kópjaqty halyqaralyq etý jáne «Tómónkú-Chúı-avtodorojnyı» ótkizý pýnktiniń jumys rejımin kúndizgiden táýlik boıy jumys isteıtinge ózgertý usynylyp otyr.
- Atalǵan beketter mártebesiniń ózgerýi týrızmdi damytý úshin qolaıly jaǵdaılar jasaý, jolaýshylar men júk tasymalyn arttyrý, sheteldik týrısterdi tartý jáne ınfraqurylymdy jaqsartý qajettiligine baılanysty bolyp otyr, - dedi Marat Maralbaev.
Osyǵan deıin Májilis qazaq-qyrǵyz shekarasyndaǵy ótkizý pýnkteri týraly kelisimge ózgeris engizgenin jazǵan edik.