Qazaqstan men Qyrǵyzstan shekarasynda «tis kontrabandasynyń» joly kesildi

BІShKEK. KAZINFORM — «Aq Jol-Avtodorojnyı» baqylaý-ótkizý beketinde zańsyz stomatologııalyq ımplantanttar partııasy tárkilendi, dep habarlaıdy Kazinform menshikti tilshisi. 

Qyrǵyzstan Respýblıkasy Memlekettik salyq qyzmetiniń málimetinshe, kólikti tekserý kezinde tıisti ilespe qujattary joq túrli ataýy bar tis ımplantanttary anyqtalǵan. 

— Anyqtalǵan zańsyz júktiń aldyn ala quny 1 mln-nan astam somdy qurady. Oqıǵaǵa qatysty hattamalar toltyryldy, materıaldar sottyń qaraýy úshin quqyq qorǵaý organdaryna beriledi, — delingen habarlamada.

Buǵan deıin elimizdiń shekara qyzmeti bir aıda 1,3 myńnan astam kontrabandalyq áreketti anyqtaǵanyn jazǵan edik.