Qazaqstan men Qyrǵyzstan halyqaralyq avtobýs baǵytyn qalpyna keltirdi
BІShKEK. KAZINFORM – 2025 jyldyń qyrkúıeginen bastap Qazaqstan men Qyrǵyzstan «Kegen» baqylaý-ótkizý beketi arqyly Qarakól-Almaty-Qarakól baǵyty boıynsha halyqaralyq avtobýs baǵytyn qalpyna keltiredi. Bul týraly Qyrǵyz Respýblıkasy Prezıdentiniń baspasóz hatshysy Asqat Alagózov málim etti, dep habarlaıdy Kazinform menshikti tilshisi.
Onyń aqparatynsha, Keńes Odaǵy kezinde jumys istep, biraq táýelsizdik jyldarynda túrli sebeptermen toqtap qalǵan Qarakól-Almaty-Qarakól halyqaralyq avtobýstary bıylǵy jyldyń qyrkúıek aıynan bastap elder arasynda jyl boıyna qatynaı bastaıdy.
— Qazirgi ýaqytta Qyrǵyzstannyń Kólik mınıstrligi qazaqstandyq áriptesterimen kelisilgen avtobýs baǵyttaryn qalpyna keltirý jumystaryn júrgizip jatyr, — dep atap ótti Asqat Alagózov.
Buǵan deıin 25 tamyzdan bastap Qazaqstan men Qyrǵyzstan shekarasyndaǵy «Qarqara-avtomobıl» ótkizý pýnkti táýlik boıy jumys rejımine kóshkenin jazǵan bolatynbyz.