Qazaqstan men Qyrǵyzstan elshilikterge ǵımarattar men jer telimderin tegin beredi

ASTANA. KAZINFORM — Astana men Bishkek elshilikter men elshiler rezıdentsııalarynyń qajettiligi úshin bir-birine jyljymaıtyn múlik nysandary men jer telimderin óteýsiz paıdalanýǵa beredi, dep habarlaıdy Kazinform agenttiginiń Bishkektegi menshikti tilshisi. 

Atap aıtqanda, Qyrǵyzstan Prezıdenti Sadyr Japarov Qyrǵyz Respýblıkasy Mınıstrler kabıneti men Qazaqstan Respýblıkasy Úkimeti arasyndaǵy 2025 jylǵy 22 tamyzda Bishkek qalasynda qol qoıylǵan kelisimdi ratıfıkatsııalaý týraly zańǵa qol qoıdy.

Qujat aıasynda Qyrǵyzstannyń Qazaqstandaǵy elshiligi men Qazaqstannyń Qyrǵyz Respýblıkasyndaǵy elshiligine Bishkek jáne Astana qalalarynda ǵımarattar men jer telimderin ózara óteýsiz paıdalanýǵa berý eskerilgen. 

Qujatty Qyrǵyz Respýblıkasynyń Jogorký Keneshi 2026 jylǵy 29 qańtarda qabyldaǵan.

Endi zań aıasynda Kelisimniń kúshine enýi úshin tıisti memleketishilik rásimder júzege asyrylady.

Eske sala keteıik, jaqynda Memleket basshysy Qasym-Jomart Toqaev Qyrǵyzstan Prezıdenti Sadyr Japarovpen telefon arqyly sóılesti. 

Avtor: Arýjan Jǝnǝdil