Qazaqstan men Kıpr izdeýdegi qylmyskerlerdi ustap berý týraly shartqa qol qoıdy

NIKOSIıA. QazAqparat - Búgin Nıkosııa qalasynda Qazaqstan Respýblıkasy men Kıpr Respýblıkasy arasynda qylmyskerlerdi ustap berý týraly, sondaı-aq qylmystyq ister boıynsha quqyqtyq kómek týraly sharttarǵa qol qoıyldy. QazAqparat bul týraly QR Bas prokýratýrasyna silteme jasap habarlaıdy.

Sharttarǵa Bas prokýror Berik Asylov pen Kıprdiń Ádilet jáne qoǵamdyq tártip mınıstri Stefı Draký qol qoıdy.

«Ustap berý týraly shart taraptarǵa bir memlekette qylmys jasaǵan jáne ekinshi memlekette jasyrynyp júrgen izdeýdegi adamdardy qylmystyq jaýapkershilikke tartý jáne sot úkimderin oryndaý úshin ekstradıtsııalaýǵa múmkindik beredi.

Qylmystyq ister boıynsha quqyqtyq kómek týraly shart eki eldiń quqyq qorǵaý jáne arnaıy organdaryna kúdiktiler men aıyptalýshylardyń kinásiniń dáleldemelerin alýǵa, sonyń ishinde qylmystyq jolmen alynǵan aqsha qarajatyn jáne ózge de múlikti tárkileýge, olarǵa tyıym salýǵa múmkindik beredi. Shart Prezıdenttiń tapsyrmasy boıynsha qurylǵan Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi vedomstvoaralyq komıssııanyń jumysyna kómegin tıgizedi», - delingen habarlamada.

Foto : gov.kz