Qazaqstan men Kenııa prezıdentteri «Astana» halyqaralyq qarjy ortalyǵyna bardy
ASTANA. KAZINFORM - Memleketter basshylaryna Qazaqstan men Kenııa arasynda ınvestıtsııa tartýǵa jáne halyqaralyq qarjylyq yntymaqtastyqty keńeıtýge arnalǵan óńirlik alań retinde AHQO qyzmeti tanystyryldy, dep habarlaıdy Aqordanyń baspasóz qyzmeti.
Qasym-Jomart Toqaev pen Ýılıam Rýtoǵa AHQO basqarýshysy Renat Bekturov ortalyqtyń negizgi baǵyttary, sonyń ishinde kapıtal naryǵyn qalyptastyrý, ornyqty, «jasyl», ıslam jáne avıa qarjylandyrýdy damytý, sondaı-aq atalǵan alańǵa halyqaralyq kompanııalardyń qatysýyn keńeıtý sharalary jóninde áńgimeledi.
Ortalyqtyń ekojúıesinde 90 elden kelgen 5600-den asa kompanııa tirkelgen. Osy jyldarda tartylǵan ınvestıtsııa kólemi 21,8 mıllıard dollardan asty.
Ortalyq jumys isteı bastaǵannan beri AHQO qatysýshylary el bıýdjetine 317,4 mıllıard teńge salyq tóledi.
Osyǵan deıin Qazaqstan men Kenııa prezıdentteri Alem.ai halyqaralyq jasandy ıntellekt ortalyǵyn aralap kórdi.
