Qazaqstan men Kenııa prezıdentteri Alem.ai halyqaralyq jasandy ıntellekt ortalyǵyn aralap kórdi
ASTANA. KAZINFORM - Memleket basshysy Qasym-Jomart Toqaev pen Kenııa Prezıdenti Ýılıam Rýto Alem.ai halyqaralyq jasandy ıntellekt ortalyǵyna baryp, eldiń basty tehnologııalyq haby sanalatyn keshenniń áleýetimen tanysty, dep habarlaıdy Aqordanyń baspasóz qyzmeti.
Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev memleketter basshylaryna mýzeı ekspozıtsııasy men JI-kınoteatryn kórsetip, ortalyqtyń uzaqmerzimdi damý strategııasy týraly málimet berdi.
Prezıdentterge Astana Smart City júıesi jáne onyń beınetaldaý, qoǵamdyq qaýipsizdik, kólik aǵyny men qalalyq qyzmetterdi onlaın rejımde úılestirý salalaryndaǵy múmkindikteri baıandaldy.
Osyǵan deıin Qasym-Jomart Toqaev pen Ýılıam Rýto «Qazaqstan-Kenııa» bıznes forýmyna qatysqan bolatyn.
