«Qazaqstan» men «KAZsport» telearnalary Irlandııa-Qazaqstan matchyn kórsetedi
ASTANA. 11 qazan. QazAqparat - «Qazaqstan» men «KAZsport» telearnalary Irlandııa men Qazaqstan arasyndaǵy 2014 jylǵy Álem chempıonatynyń irikteý matchyn tikeleı efırde kórsetedi.
Bul týraly respýblıkalyq sporttyq «Sports.kz» ınternet-portalyna «KAZsport» telearnasynyń dırektory Dıas Ahmetshárip habarlady.
- Qazaqstan quramasynyń Irlandııa quramasymen qonaqtaǵy matchy 15 qazanda ótedi, Astana ýaqytymen 00:45-te «Qazaqstan» jáne «KAZsport» bizdiń quramanyń syrt alańdaǵy jekpe-jegin tikeleı efırde kórsetedi. Biz bul oıynǵa quqyqty satyp aldyq jáne ony bizdiń jankúıerlerimizge kórsetemiz,- dedi D.Ahmetshárip.
