«Qazaqstan» men «Qazsport» telearnalary almatylyq «Qaırat» pen belgradtyq «Tsrvena Zvezdanyń» oıynyn kórsetedi
ASTANA. QazAqparat - «Qazaqstan» respýblıkalyq teleradıkorporatsııasy fýtbol jankúıerlerine syı tartý etedi - sheteldik áriptestermen uzaq ýaqytqa sozylǵan kelissózderdiń nátıjesi boıynsha, eýrokýboktyń qonaqtaǵy matchyn kórsetý týraly kelisimge qol jetkizildi.
Qazaqstan men Serbııanyń fýtbol klýbtary búgin, 2 shildede Eýropa Lıgasynyń birinshi kvalıfıkatsııalyq raýyndy sheńberinde Serbııa astanasy Belgrad qalasyndaǵy «Raıko Mıtıch» stadıonynda kezdesý ótkizedi. Sharshy alańǵa «Tsrvena Zvezda» (Belgrad, Serbııa) men «Qaırat» (Almaty, Kazahstan) shyǵady.
Tikeleı efırde Astana ýaqyty boıynsha saǵat 00.40-ta komandalar kezdesýin «Qazaqstan» ulttyq telearnasy kórsetedi, al 3 shilde kúni «Qazsport» telearnasy oıyndy tikeleı efırde kóre almaǵan fýtbol jankúıerleri úshin 11.50 men 19.00-de kezdesýdi eki ret qaıtalap kórsetedi.
