Qazaqstan men Qatar strategııalyq áriptestik ornatýǵa ýaǵdalasty
«Búgin Qatar memleketiniń Ámiri sheıh Támım ben Hamad Ál Tánı myrza Qazaqstanǵa memlekettik saparmen kelip otyr. Biz úshin bul – úlken mártebe, qurmet. Halqyńyzdyń naǵyz kóshbasshysy retinde Sizdiń abyroı-bedelińiz óte joǵary. El basqarý isindegi danalyǵyńyz ben erekshe tulǵalyq qasıetterińiz Qatardy álemge keńinen tanytty. Elińizdi dúnıejúzi áleýmettik jáne ekonmıkalyq jaǵynan aldyńǵy qatardaǵy memleket retinde biledi. Ásirese, beıbitshilikti saqtaý men turaqtylyqty qamtamasyz etýge zor úles qosyp kelesiz. Jan-jaqty jetistikterińizge álem jurtshylyǵy kýá. Bıyl Qatarda ótetin fýtboldan álem chempıonaty – sonyń dáleli. Bul mańyzdy is-shara Qatardyń dúnıejúzindegi brendine aınalyp otyr. Sizdiń aýqymdy bastamalaryńyz arqyly halqyńyz jańa dáýirge qadam basty», - dedi Qazaqstan Prezıdenti.
Qasym-Jomart Toqaev Qatar barynsha órkendegen memleket retinde bolashaqta da qarqyndy damı beredi dep kámil senetindigin basa aıtty.
«Biz bıyl birneshe ret kezdesip, eki eldiń yntymaqtastyǵyn jańa deńgeıge kóterý joldaryn talqyladyq. Búgin strategııalyq áriptestik ornatýǵa ýaǵdalastyq. Qazaqstan Qatar elimen túrli saladaǵy yqpaldastyqty nyǵaıtýǵa múddeli», - dedi Memleket basshysy.
