Qazaqstan men Qatar arasyndaǵy kúdiktilerdi ekstradıtsııalaý tártibi retteledi

ASTANA. KAZINFORM – QR Parlamenti Májilisiniń qaraýyna «Qazaqstan Respýblıkasy men Qatar Memleketi arasyndaǵy ustap berý týraly kelisimdi ratıfıkatsııalaý týraly» zań jobasy kelip tústi.

«Kelisimge 2024 jyly 14 aqpanda Dohada qol qoıyldy. Ol eki taraptyń quzyretti organdary arasyndaǵy eki eldiń aýmaǵynda anyqtalǵan adamdardy qylmystyq jaýapkershilikke tartý nemese sot úkimin oryndaý úshin ekstradıtsııalaý boıynsha ózara qarym-qatynastardy retteýge baǵyttalǵan. Shart eki eldiń qylmysqa qarsy kúresindegi yntymaqtastyǵynyń tıimdiligin arttyrady», - dedi Májilistiń Zańnama jáne sot-quqyqtyq reforma komıtetiniń tóraǵasy Snejanna Imasheva palatanyń jalpy otyrysynda.

Budan buryn habarlanǵandaı, búgin Májilistiń jalpy otyrysynda depýtat Serik Erýbaev palatanyń Zańnama jáne sot-quqyqtyq reforma komıtetiniń quramyna saılandy.