Qazaqstan men Izraıl prezıdentteri Alem.ai Halyqaralyq JI ortalyǵyna bardy
ASTANA. KAZINFORM - Qasym-Jomart Toqaev pen Itshak Gertsog Alem.ai ortalyǵynyń qyzmetimen tanysty, dep habarlaıdy Aqordanyń baspasóz qyzmeti.
Munda talanttardy taýyp, olardy daıarlaýdan bastap JI-sheshimderin álemge taratýǵa deıingi tehnologııalyq damýdyń tolyq tsıkli júzege asyrylady.
Bzraıl Prezıdentine Qazaqstannyń jappaı tsıfrlandyrý jáne jasandy ıntellekt tehnologııasyn ekonomıka men áleýmettik salanyń basty baǵyttaryna engizýdegi negizgi jetistikteri kórsetildi.
Sonymen qatar memleketter basshylaryna Astana Smart City jobasy týraly málimet berildi. Aýqymdy bastama aıasynda elordanyń jańa ıntellektýaldyq ınfraqurylymy qalyptasady.
Aıta keteıik, keshe Aqordada Izraıl Prezıdenti Itshak Gertsogty saltanatty qarsy alý rásimi ótti.
Sondaı-aq Qazaqstan men Izraıl Prezıdentteri keńeıtilgen quramda kelissóz júrgizdi.
