Qazaqstan men Italııanyń áskerı alpınısteri Nursultan shyńyn baǵyndyrdy
Italııa Qarýly kúshteriniń alpınısterimen tájirıbe almasý aıasynda Tuıyq-Sý shatqalynan – Myńjylqy ústirti – Nursultan shyńy baǵyty boıynsha tórt myń metrge (4330,9 m) shyqty.
Jıyn Taý daıyndyǵy oqý-jattyǵý ortalyǵynda qazaqstandyq Arnaıy operatsııalyq kúshter áskerı qyzmetshileri men taýdaǵy praktıkalyq operatsııalarda tájirıbesi bar ıtalıandyq nusqaýshylardyń qatysýymen ótti.
Atalǵan shara jaýyngerlik tapsyrmalardy oryndaý kezinde áskerı qyzmetshilerdiń taý daıyndyǵy men tózimdilik deńgeıin arttyrýǵa baǵyttalǵan. Sabaqta bólimshelerdiń taýdaǵy qozǵalysy kezindegi qaýipsizdik sharalaryna erekshe kóńil bólindi. Jıyn qatysýshylaryna tıisti sertıfıkattar tabys etildi.
Bul Qazaqstan men Italııa arasyndaǵy áskerı yntymaqtastyqtyń alǵashqy tájirıbesi emes. 2013 jyly shilde aıynda elimiz Qarýly kúshteri Qurlyq áskerleriniń bólimsheleri Italııanyń Alpi taýlarynda ótken taý bólimsheleriniń «Falzarego» oqý-jattyǵýyna qatysqanyn aıta ketý kerek.
Osyǵan deıin Qazaqstan men Italııanyń áskerı alpınısteri Mánshúk Mámetova shyńyn baǵyndyrǵylary keletini týraly jazdyq.
Foto: gov.kz
