Qazaqstan men Italııa qandaı qujattarǵa qol qoıdy
ASTANA. KAZINFORM — Qazaqstan Prezıdenti Qasym-Jomart Toqaev pen Italııa Mınıstrler Keńesiniń tóraǵasy Djordja Melonı kelissózder qorytyndysy boıynsha Strategııalyq seriktestikti keńeıtý jóninde Birlesken málimdeme qabyldady. Bul týraly Aqorda málim etti.
Resmı delegatsııa músheleri mynadaı qujattarmen almasty:
1. Qazaqstan Respýblıkasy Úkimeti men Italııa Respýblıkasy Úkimeti arasyndaǵy tulǵalardyń readmıssııasy týraly kelisim;
2. Qazaqstan Respýblıkasy Ónerkásip jáne qurylys mınıstrligi men Italııa Kásiporyndar jáne «Italııada jasalǵan» mınıstrligi, Qorshaǵan orta jáne energetıkalyq qaýipsizdik mınıstrligi arasynda asa mańyzdy qazba baılyqtary men shıkizat materıaldary salasyndaǵy yntymaqtastyq týraly birlesken málimdeme;
3. «Samuryq-Qazyna» AQ men Maire Tecnimont arasyndaǵy yntymaqtastyq týraly memorandým;
4. «Samuryq-Qazyna» AQ men Ansaldo arasyndaǵy yntymaqtastyq týraly kelisim;
5. Qazaqstan Respýblıkasy Sý resýrstary jáne ırrıgatsııa mınıstrligi men OICE arasynda sý resýrstaryn basqarý salasynda bilim jáne ozyq tájirıbe almasý arqyly sýǵa qatysty syn-qaterlerge baılanysty praktıkalyq sheshimderdi ilgeriletý jónindegi yntymaqtastyq baǵdarlamasyn júzege asyrý týraly memorandým;
6. Qazaqstan Damý banki, Cassa Depositi e Prestiti S.p.A. jáne SACE SpA arasyndaǵy birlesken deklaratsııa;
7. «Samuryq-Energo» AQ jáne SACE SpA arasyndaǵy ózara túsinistik týraly memorandým;
8. «Kazakh Invest» UK» AQ men Italian Trade Agency arasyndaǵy yntymaqtastyq týraly memorandým.
Eske sala keteıik, búgin Qasym-Jomart Toqaev Aqordada Djordja Melonıdi qarsy aldy.
Memleket basshysy Qasym-Jomart Toqaev Aqordada Qazaqstanǵa resmı saparmen kelgen Italııa Premer-mınıstri Djordja Melonımen kelissóz júrgizdi.
Italııa Premer-Mınıstri Djordja Melonı Memleket basshysy Qasym-Jomart Toqaevty eń syndarly kóshbasshylardyń biri dep atady.