Qazaqstan men Italııa áýe yntymaqtastyǵyn keńeıtýge nıetti

QR kólik vıtse-mınıstri Talǵat Lastaev Neos áýe kompanııasynyń Qazaqstandaǵy ókildiginiń bas dırektory jáne Italııa-Qazaqstan saýda qaýymdastyǵynyń prezıdenti Marko Berettamen kezdesti. Kazinform bul týraly vedomstvonyń baspasóz qyzmetine silteme jasap habarlaıdy.

Taraptar Neos áýe kompanııasynyń Qazaqstan men Italııa arasyndaǵy reısteriniń oryndalýyn  atap ótip, eki el arasyndaǵy áýe qatynasy máselelerin talqylady.

Kezdesý qorytyndysy boıynsha qos tarap áýe qatynasy salasyndaǵy yntymaqtastyqty odan ári keńeıtý jumysyn jalǵastyrýǵa kelisti.