Qazaqstan men Ispanııa sottalǵandardy berý úshin bir-birine barynsha járdem kórsetetin bolady - Májilis
ASTANA. 24 sáýir. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasy men Ispanııa Koroldigini arasyndaǵy sottalǵan adamdardy berý týraly shartty ratıfıkatsııalaý týraly» zań jobasyn maquldady.
Zań jobasy ýaǵdalasýshy taraptardyń azamattaryn ózderi azamaty bolyp tabylatyn memlekette jazasyn odan ári óteý úshin berý máselelerin retteýge baǵyttalady. Bul rette taraptar sottalǵan adamdardy berýge qatysty bir-birine barynsha járdem kórsetýge mindettenedi. Úkimdi shyǵarýshy memleket nemese úkimdi oryndaýshy memleket bastamashy bola alady. Úkimdi shyǵarýshy memleket shyǵarǵan úkim oryndaýshy memlekette qatańdatyla almaıdy. Sonymen qatar, úkimdi shyǵarýshy memleket nemese onyń kelisimimen úkimdi oryndaýshy memleket oǵan zańdy negizder bolǵanda raqymshylyq jasaýdy, keshirim jasaýdy nemese jazany jeńildetý jónindegi ózge de sharalardy qoldana alady.
Májilis maquldaǵan zań jobasy Parlament Senatyna joldanady.
