Qazaqstan men Ispanııa Koroldigin dástúrli dostyq qarym-qatynas negizindegi yntymaqtastyq baılanystyryp keledi
ASTANA. QazAqparat - Qazaqstan men Ispanııa Koroldigin dástúrli dostyq qarym-qatynas negizindegi yntymaqtastyq baılanystyryp keledi. Búgin Aqordada birqatar shetel Elshisinen senim gramotasyn qabyldaǵan Elbasy Nursultan Nazarbaev osylaı dedi.
«Qazaqstan men Ispanııa Koroldigin dástúrli dostyq qarym-qatynas negizindegi yntymaqtastyq baılanystyryp keledi. Joǵary deńgeıdegi Qazaqstan-Ispanııa qarym-qatynastary saıası dıalogymyzdyń belsendiligimen, saýda-ekonomıkalyq yntymaqtastyq qarqyndy damýy arqyly erekshelenip otyrǵanyn bilesizder», - dedi Memleket basshysy.
Sonymen qatar Elbasy Ispanııaǵa BUU Qaýipsizdik keńesiniń 2017-2018 jyldardaǵy turaqty emes músheligine usynylǵan Qazaqstannyń kandıdatýrasyn qoldaǵany úshin rızashylyǵyn bildirdi. Ispanııa Úkimetiniń tóraǵasy Marıo Rahoıdyń elimizge resmı sapary eki memlekettiń arasyndaǵy yntymaqtastyqqa tyń serpin berdi dep senetinigin atap ótti.
«Qazaqstanda Ispanııanyń kóptegen kompanııalary tabysty jumys júrgizip jatyr. Bul jumysty ári qaraı damytýymyz qajet», - dedi N.Nazarbaev.
