Qazaqstan men Iran SІM basshylary telefon arqyly sóılesti

ASTANA. KAZINFORM – Iran tarapynyń bastamasymen Qazaqstan Respýblıkasynyń Syrtqy ister mınıstri Ermek Kósherbaev Iran Islam Respýblıkasynyń Syrtqy ister mınıstri Seıed Abbas Arakchımen telefon arqyly sóılesti. Bul týraly Syrtqy ister mınıstrliginiń baspasóz qyzmeti habarlady.

Suhbat barysynda Arakchı áriptesin mınıstr laýazymyna taǵaıyndalýymen jáne Respýblıka kúnimen quttyqtady. 

Syrtqy saıası vedomstvolardyń basshylary Qazaqstan-Iran yntymaqtastyǵynyń qazirgi jaı-kúıi men damý perspektıvalaryn talqylap, ekijaqty qatynastardy odan ári keńeıtýge jáne tereńdetýge umtylystaryn rastady.

Kelissózder qorytyndysy boıynsha mınıstrler aldaǵy bıik jáne joǵary deńgeıdegi is-sharalar kestesin qarastyryp, belsendi saıası dıalogty jalǵastyrý jóninde ýaǵdalasty.

Eske sala keteıik, buǵan deıin SІM Taıland pen Kambodja arasyndaǵy birlesken deklaratsııaǵa qatysty málimdeme jasaǵanyn jazǵan edik.