Qazaqstan men Iran kınematografııa salasynda yntymaqtastyqty damytady
ASTANA. QazAqparat - Iran Islam Respýblıkasynyń mádenıet mınıstri Reza Salehı men onyń qazaqstandyq áriptesi Arystanbek Muhamedıulynyń kezdesýinde kınematografııa salasyndaǵy yntymaqtastyqty damytý máselesine basa nazar aýdaryldy.
Resmı saparmen Tegeranda bolǵan Qazaqstan mádenıet jáne sport mınıstri Iran mádenıet mınıstrimen kıno salasyndaǵy yntymaqtastyq baılanystyń perspektıkalary jaıyn talqylady. Bul týraly IRNA agenttigi habarlaıdy.
Irannyń bul saladaǵy múmkindikterin ataı otyryp, ırandyq mınıstr kıno salasy elge kóptegen halyqaralyq marapattar ákelgendigin atap ótti.
«Irandyqtar fılmderge asqan qyzyǵýshylyqpen qaraıdy. Sondaı-aq, bizdiń elde kıno dıalogqa aınalyp ketti», - dedi Salehı Amırı.
Ol eki el arasynda túrli mádenı jáne kórkemdik salalarda, sonyń ishinde mýzyka, teatr, ádebıet jáne beıneleý ónerinde ekijaqty yntymaqtastyqty retteýge bolatyndyǵyn atap ótti.
Óz kezeginde Qazaqstan mádenıet mınıstri Iran kıno salasyndaǵy álemniń úzdik elderiniń qatarynda ekendigin aıtyp, kórkem týyndylardyń aýdarylýy eki el halyqtary arasyndaǵy ózara tanymdylyqtyń artýyna septigin tıgizedi, dedi.
