Qazaqstan men Iordanııanyń qarym-qatynasy joǵary deńgeıde - ıordandyq parlamentarıı
Qazaqstan Respýblıasynyń elshiligi Iordandyq Hashımıt Koroldigi (IHK) Parlamenti Senatynda QR men IHK arasyndaǵy dostyq komıtetiniń múshelerimen birlesip dóńgelek ústel ótkizdi.
Naqtyraq aıtqanda, kezdesý barysynda Qazaqstan Respýblıkasynyń IHK-daǵy Tótenshe jáne Ókiletti elshisi Azamat Berdibaı Senat múshelerimen birge ekijaqty qarym-qatynastyń jarqyn keleshegin talqylap, Qazaqstannyń halyqaralyq mańyzdy bastalamary týraly aıtyp berdi. Onyń aıtýynsha, Qazaqstan men Iordanııa turaqty túrde álemdik deńgeıdegi máselelerdi talqylaýda bir-birine qoldaý bildirip keledi. Eki memleketke birlese jumys atqarýdyń arqasynda halyqaralyq mańyzdaǵy birneshe máselelerdi retteýge múmkindik týǵan. Sonymen qatar, Qazaqstan Prezıdenti Nursultan Nazarbaev pen Iordanııa koroli Abdalla ІІ ıbn Hýseın ál-Hashımı bir-biriniń eline sapar shegip turady. Sondaı-aq Memleket basshylary halyqaralyq konferentsııalardyń ártúrli alańdarynda kezdesýler ótkizip keledi.
«Qurmetti Abdalla ІІ Patshanyń Qazaqstan Respýblıkasyna 2017 jyly jasaǵan sapary aıtarlyqtaı jemisti boldy. Ol ıadrolyq qarýsyzdandyrý men qaýipsizdikke úles qosqany úshin Nursultan Ábishuly Nazarbaev syılyǵynyń alǵashqy laýreaty boldy. Osylaısha, bizdiń Prezıdent Nursultan Ábishuly Nazarbaev Iordandyq Hashımıt Koroldiginiń basshysynyń aımaqtaǵy turaqtylyqqa jetý jáne halyqaralyq deńgeıde qaýipsizdikti qamtamasyz etýde jigeri qanshalyqty baǵalanatynyn kórsetti», - dep málimdedi Azamat Berdibaı.
Qazaqstan Úkimeti qos memlekettiń ekijaqty qarym-qatynasyn jaqsartý maqsatynda birqatar zań jobasyn daıyndap, keıin ol qabyldanǵan bolatyn.
«Birlesken yntymaqtastyqtyń mańyzdy salalary Terrorızmen kúres týray halyqaralyq konventsııaǵa, sot salasyndaǵy yntymaqtastyq týraly kelisimge baılanysty. Qazirgi ýaqytta «jasyl» energııa men eki eldiń arasyndaǵy taýar aınalymy turǵysynda birqatar kelisimderge qol qoıý baǵytynda jumys júrgizilip jatyr», - dedi Qazaqstan elshisi «QazAqparat» HAA-nyń menshikti tilshisine.
Azamat Berdibaı atap ótkende,ı ekonomıkalyq, saýda, mádenı jáne gýmantıtarlyq ózara kómek kórsetý boıynsha Birlesken komıtettiń qurylýy eki memleket arasyndaǵy yntymaqty qarym-qatynasty odan ary kúsheıte túserlik negizgi kúshke aınalǵan. Atalmysh komıtette Qazaqstan tarapynan ýákiletti organ retinde QR aýyl sharýashylyǵy mınıstrligi bekitilse, Iordanııa tarapynan IHK Ónerkásip jáne saýda mınıstrligi bekitilgen.
Óz kezeginde ıordandyq Parlament depýtattary qazaqstandyq-ıordanııalyq qarym-qatynasqa óz baǵasyn berdi. Iordanııanyń Parlament senatory Mýnıra Sobranyń paıymdaýynsha, qazaqstandyq-ıordanııalyq baılanystyń kórsetkishteri basqa memleketterge úlgi bola alady. Sebebi, IHK Koroliniń óz elindegi bıznesmenderdi Qazaqstanǵa baǵyttap, qazaqstandyq bıznesmendermen baılanys ornatýdy usynýy bizdiń el tarapynan úlken qurmet týdyryp otyr.
«Qazaqstan Respýblıkasynyń Prezıdenti ıordanııalyq-sırııalyq shekaradaǵy «An-Nasyb» shekara ótkeli ashyq bolǵan jaǵdaıda ózara saýdany jaqsartýǵa bolatynyn málimdegen edi. Qazirgi tada «An-Nasyb» shynynda da ashylar degen úmit basym bola tústi», - deıdi ıordanııalyq parlamentshiler.
Mýnıra Sobranyń aıtýynsha, Qazaqstan men Iordanııa áskerı salada da, terrorızmge qarsy kúres turǵysynda yntymaqtasyp keledi.
«Aldaǵy ýaqytta da bul seriktestiktiń irgesi bekı túser degen senimdemin», - deıdi l.
Sonymen qatar, senator koroldiktiń mádenı ómirindegi aıtýly oqıǵa týraly da sóz qozǵady. Sebebi, Qazaqstannyń Halyq ártisi Aıman Musaqojaeva «Shabyt» dombyra ansambli men sımfonııalyq orkestriniń qatysýymen 2018 jyldyń sáýir aıynda Iordanııanyń birneshe qalasyn aralaǵan bolatyn.
«Qazaq ulttyq mádenı merekeleri ıordanııalyqtardyń júreginiń tórinen erekshe oryn aldy. Meniń oıymsha, óz mádenıeti men ónerin osynshama ǵashyq el qansha ǵasyr ótse de ózin-ózi saqtap qalýǵa qaýqarly», - deıdi Mýnıra Sobra.
Dóńgelek ústel barysynda Azamat Berdibaı qazaqstandyq-ıordanııalyq qarym-qatynas aldaǵy ýaqytta qalaı óristeı túsetinin aıtyp berdi.
«Ásirese, ekonomıka salasynda baılanysymyz bekı túser degen senimdemiz. Qazaqstan Prezıdenti men Iordanııa Koroliniń arasyndaǵy dostyq ta bizdi qanattandyra túsedi. Qazaqstan Prezıdenti Nursultan Nazarbaevtyń Abdolla ІІ Korolge kórsetken qurmetin de erekshe baǵalaımyz», - dedi ıordanııalyq-qazaqstandyq dostyq komıtetiniń tóraǵasy Aıman Hatahat.
