Qazaqstan men Iordanııa ýran salasynda birlesken kásiporyn qurady

ASTANA. KAZINFORM — Qazaqstan men Iordanııa ýran salasynda birlesken kásiporyn qurady. Bul týraly búgin Aqordada BAQ ókilderiniń saýalyna jaýap bergen «Samuryq-Qazyna» AQ basqarma tóraǵasy Nurlan Jaqypov aıtty.

— Búgin Iordanııa Koroli II Abdalla ben ál-Hýseınniń resmı sapary aıasynda «Samuryq-Qazyna» tobynyń enshiles kompanııasy — «Qazatomónerkásip» Iordanııanyń JUMCO kompanııasymen kelisimge qol qoıady. Bul kelisimge sáıkes, 2026 jyldyń sońyna deıin «Qazatomónerkásip» pen JUMCO birlesken kásiporyn qurady. «Qazatomónerkásip» úlesi — 70, al JUMCO úlesi 30 paıyz bolady. Birlesken kásiporyn Iordanııanyń ýran salasymen aınalysady, — dedi Nurlan Jaqypov.

Aıta keteıik, búgin Aqordada Prezıdent Qasym-Jomart Toqaev pen elimizge resmı saparmen kelgen Iordanııa Koroli II Abdalla ben ál-Hýseın joǵary deńgeıde kelissózder ótkizedi.

Esterińizge sala ketsek, keshe Prezıdent Qasym-Jomart Toqaev Iordanııa Korolin Astana áýejaıynan qarsy alǵan edi.

Mártebeli meıman mingen bortty el shekarasynan elordaǵa deıin Qazaqstan Respýblıkasy Áýe qorǵanysy kúshteriniń ushaqtary alyp júrdi.