Qazaqstan men Iordanııa ókilderi Taıaý Shyǵystaǵy ahýaldy talqylady
ASTANA. KAZINFORM – Qazaqstan Respýblıkasy Syrtqy ister mınıstriniń orynbasary Arman Isaǵalıev Iordanııa Hashımıt Koroldiginiń Qazaqstan Respýblıkasyndaǵy Tótenshe jáne Ókiletti Elshisi Hamza Ál-Omarımen kezdesý ótkizdi, dep habarlaıdy QR Syrtqy ister mınıstrliginiń baspasóz qyzmeti.
Kezdesý barysynda taraptar qazaq-ıordan yntymaqtastyǵynyń ózekti máseleleri men ony odan ári nyǵaıtý perspektıvalaryn talqylady. Saıası dıalogtyń turaqty qarqynyn saqtaýǵa, sondaı-aq saýda-ekonomıkalyq jáne mádenı-gýmanıtarlyq salalardaǵy ózara is-qımyldy keńeıtýge múddelilik bildirildi.
Suhbattastar óńirlik jáne halyqaralyq kún tártibindegi ózekti máseleler boıynsha pikir almasyp, Taıaý Shyǵystaǵy qazirgi ahýalǵa erekshe nazar aýdardy.
Sonymen qatar qazaq-ıordan qatynastarynyń damýyna qosymsha serpin berýge baǵyttalǵan túrli deńgeılerdegi aldaǵy ekijaqty baılanystar men is-sharalardyń kestesi qarastyryldy.
Kezdesý qorytyndysy boıynsha taraptar turaqty dıalogty jalǵastyrýǵa jáne ózara tıimdi yntymaqtastyqty odan ári tereńdetý baǵytyndaǵy birlesken jumysty jalǵastyrýǵa daıyn ekenderin rastady.
Osyǵan deıin Qazaqstan men Fınlıandııa strategııalyq shıkizat boıynsha jańa tehnologııalardy synaqtan ótkizetini týraly jazdyq.
