Byltyr Qazaqstannyń Iordanııamen taýar aınalymy 6 mln dollardy qurady
ASTANA. KAZINFORM – Qazaqstan men Iordanııa arasyndaǵy ekonomıkalyq yntymaqtastyq artady, dep habarlaıdy Úkimettiń baspasóz qyzmeti.
Amman qalasynda Qazaqstan Respýblıkasy Premer-mınıstriniń orynbasary – ulttyq ekonomıka mınıstri Nurlan Baıbazarov pen Iordanııa Hashımıt Koroldiginiń Ónerkásip, saýda jáne jabdyqtaý mınıstri ıArýb Ál-Kýdtyń birlesken tóraǵalyǵymen Saýda-ekonomıkalyq jáne mádenı-gýmanıtarlyq yntymaqtastyq jónindegi qazaqstan–ıordanııa úkimetaralyq komıssııasynyń 5-shi otyrysy ótti.
Eki eldiń delegatsııa ókilderi saýda jáne ınvestıtsııa, aýyl sharýashylyǵy, energetıka, kólik, týrızm, densaýlyq saqtaý, mádenıet jáne bilim berý salalaryndaǵy yntymaqtastyqty, sondaı-aq tsıfrlandyrý salasyndaǵy tájirıbe almasý máselelerin talqylady.
2023 jyldyń qorytyndysy boıynsha Qazaqstannyń Iordanııamen taýar aınalymy 4,2 esege ósip, $6 mln-dy qurady. Sonymen birge birlesken komıssııanyń tóraǵalary taýar aınalymyn odan ári ósirý úshin qolda bar áleýetti atap ótti.
Eksporttyq taýar tizilimin keńeıtý maqsatynda Qazaqstan bıdaı men aýyl sharýashylyǵy ónimderiniń basqa da túrlerin qosqanda, 15 taýar pozıtsııasy boıynsha Iordanııa naryǵyna shıkizattyq emes taýarlardy jetkizýdi arttyrýǵa daıyn.
Bul rette Qazaqstan Iordanııalyq kompanııalardyń elimizdiń aýmaǵynda et, astyq, burshaq jáne basqa da ónimder óndiretin kásiporyndardy qurýǵa qatysýǵa múddeli.
Iordanııa tarapy qazaqstandyq astyqty balamaly kólik joldary, onyń ishinde Kaspıı teńizi arqyly ımporttaýǵa joǵary qyzyǵýshylyq tanytty. Qazaqstan óz tarapynan taýarlardy Iordanııa naryǵyna jáne MENA memleketteri (Taıaý Shyǵys jáne Soltústik Afrıka elderi) naryqtaryna eksporttaý úshin Akaba portynyń áleýetin paıdalanýǵa múddeli.
Týrızmdi damytýǵa jáne ekonomıkalyq baılanystardy nyǵaıtýǵa yqpal etetin Iordanııa áýe kompanııalarynyń Qazaqstanǵa tikeleı reısterdi ashý úshin «ashyq aspan» rejımin qoldaný máselesin talqylaý mańyzdy qadam boldy.
Taraptar ýrandy qosqanda, geologııalyq barlaý jáne paıdaly qazbalardy óndirý salasyndaǵy birlesken jobalardy iske asyrý perspektıvalaryn atap ótti. Iordanııanyń memlekettik ýran kompanııasymen (JUMCO) «Qazatomónerkásip» ulttyq atom kompanııasynyń Koroldiktiń ýran jobalaryna qatysýy týraly ýaǵdalastyqtarǵa qol jetkizildi.
Qatysýshylar eki eldiń isker toptarynyń, onyń ishinde ekijaqty saýda-ekonomıkalyq mıssııalardy uıymdastyrý arqyly tikeleı ózara árekettesýiniń qajettigin atap ótti. Osy maqsattarda qazaqstan–ıordanııa Іskerlik keńesiniń jumysy jandanatyn bolady, onyń otyrysyn kelesi jyly Astanada ótkizý usynyldy.
Aıta keteıik, osyǵan deıin Nurlan Baıbazarov qandaı jaǵdaı valıýta naryǵyn turaqtandyratynyn aıtty.