Qazaqstan men Iordanııa arasynda tikeleı áýe reısi ashylýy múmkin

ASTANA. KAZINFORM — Qazaqstan men Iordanııa arasynda tikeleı áýe reısi ashylýy múmkin. Bul týraly búgin Aqordada BAQ ókilderiniń saýalyna jaýap bergen «Samuryq-Qazyna» AQ basqarma tóraǵasy Nurlan Jaqypov aıtty.

— Kelissózder júrgizip jatqan birneshe baǵytymyz bar. Bul baǵyttar boıynsha ázirge naqty kelisimder joq. Bir jaǵynan Iordanııanyń kólik-logıstıkalyq áleýetin muqııat zerttep jatyrmyz. Ekinshi jaǵynan eger bul kommertsııalyq turǵydan tıimdi bolatyndaı jolaýshylar aǵyny qalyptasatyn bolsa, onda kelesi jyldyń birinshi jartysynda Qazaqstan men Iordanııa arasynda tikeleı áýe reısin ashý máselesin qarastyramyz, — dedi Nurlan Jaqypov.

Buǵan deıin Qasym-Jomart Toqaev Aqordada Iordanııa Korolin qarsy alǵanyn jazǵan edik. 

Esterińizge sala ketsek, keshe Prezıdent Qasym-Jomart Toqaev Iordanııa Korolin Astana áýejaıynan kútip aldy.

Mártebeli meıman mingen bortty el shekarasynan elordaǵa deıin Qazaqstan Respýblıkasy Áýe qorǵanysy kúshteriniń ushaqtary alyp júrdi.