Qazaqstan men Horvatııa arasynda tikeleı áýe reısi ashylady

ASTANA. QazAqparat - Aǵymdaǵy jyly naýryzdan bastap Qazaqstan men Horvatııa arasynda tikeleı áýe reısi ashylady. Bul týraly búgin Aqordada Elbasy Nursultan Nazarbaevqa senim gramotasyn tapsyrǵannan keıin BAQ ókilderine suhbat bergen Horvatııa Elshisi Refık Shabanovıch aıtty, dep habarlaıdy QazAqparat tilshisi.

«Aǵymdaǵy jyldyń sońyna deıin elderimiz arasyndaǵy birinshi úkimetaralyq komıssııanyń otyrysyn ótkizýge tyrysamyz. Sondaı-aq osy jyldyń naýryzynan qazaqstandyqtardyń elimizge saparlaýy úshin vıza bere bastaımyz jáne charterlik reıster ashylady dep úmittenemiz», - dedi Refık Shabanovıch.

Aıta keteıik, Aqordada shetel Elshilerinen senim gramotasyn qabyldaǵan Qr Prezıdenti Nursultan Nazarbaev sońǵy jyldary Horvatııa Respýblıkasymen baılanystar aıtarlyqtaı nyǵaıa túskendigin aıtqan edi.

«Aǵymdaǵy jyly alǵash ret Astanada Horvatııa Elshiligi alyp otyr. Endi memleketaralyq komıssııa saýda, ekonomıkalyq jáne saıası ózara qarym-qatynastarymyzdy kóterý úshin jumys isteýi tıis», - degen edi Nursultan Nazarbaev.