Qazaqstan men Horvatııa arasyndaǵy saýda kólemi 280 mln dollardan asty
ASTANA. KAZINFORM – Qazaqstan men Horvatııa arasyndaǵy ekijaqty saýda kólemi 280 mıllıon AQSh dollarynan asty. Bul týraly QR Premer-Mınıstriniń orynbasary – Syrtqy ister mınıstri Murat Nurtileý aıtty.
— Ortalyq Azııadaǵy eń iri ekonomıka retinde Qazaqstan óz ekonomıkasyn ártaraptandyrý, ınnovatsııany qoldaý jáne bilimge negizdelgen damý úlgisine kóshý maqsatynda keshendi reformalar júrgizip jatyr. Ashyq esik saıasaty, mol tabıǵı resýrstarymyz jáne qolaıly iskerlik ahýal sheteldik ınvestorlardyń qyzyǵýshylyǵyn týdyryp otyr. Bul tásil Qazaqstan men Horvatııa arasyndaǵy serpindi ekonomıkalyq ózara is-qımylǵa jol ashty. Ótken jyly ekijaqty saýda kólemi 280 mıllıon AQSh dollarynan asty, al ınvestıtsııa kólemi 9 mıllıon dollarǵa jýyqtady, - dedi ol eki eldiń syrtqy saıası vedomstvolarynyń basshylary jáne isker toptarynyń qatysýymen ótken «Qazaqstan-Horvatııa» bıznes-forýmynda.
Sondaı-aq mınıstr bul yntymaqtastyqty odan ári keńeıtýge zor múmkindik baryn atap ótti.
Aıta keteıik, forým birlesken jobalardy júzege asyrýǵa qolaıly jaǵdaı jasap, iskerlik baılanystardy keńeıtý maqsatynda ótip jatyr.
Osyǵan deıin Kabýlda QR Premer-mınıstriniń orynbasary – ulttyq ekonomıka mınıstri Serik Jumanǵarın men Aýǵanstan Islam Ámirliginiń Ken óndirý jáne munaı mınıstri Hedaıatýlla Badrı kelisim jasasqany týraly jazdyq.
