Qazaqstan men Grýzııa yntymaqtastyǵyn damytý eki elge de tıimdi - sarapshy
«Qazaqstan úshin kez kelgen elmen ekonomıkalyq yntymaqtastyqty keńeıtý eki jaqqa da tıimdi bolatyndyǵy taıǵa tańba basqandaı anyq jaıt. Qazaqstanda da, Grýzııada da ashyq ekonomıka. Bizde, olar da Dúnıejúzilik saýda uıymynyń múshesi. ıAǵnı, ózara tıimdi saýdada eshqandaı kedergi de joq. Eger eki eldiń Úkimetteri qandaı da bir túıisý núktesin tabar bolsa, ol sálemdesý men mindetti túrde damytý qajettigi tóńireginde bolmaq», - dedi J.Rahmanov.
Esterińizge sala ketsek, keshe Aqordada Elbasy Nursultan Nazarbaev Qazaqstanǵa jańadan Elshi bolyp taǵaıyndalǵan birqatar shetel Elshisinen senim gramotasyn qabyldaǵan bolatyn. Memleket basshysyna gramota tapsyrǵandar qatarynda Grýzııanyń QR-daǵy Tótenshe jáne ókiletti elshisi Zýrab Abashıdze de bolǵan edi.
Grýzııa Elshisinen senim gramotasyn qabyldaǵan Elbasy Nursultan Nazarbaev Qazaqstan Grýzııamen ekijaqty qarym-qatynasyn damytýǵa mán beretindigin, Kavkaz mańaıyndaǵy negizgi seriktesterdiń biri sanaıtyndyǵyn basa aıtty.
«Biz Tbılısımen barlyq salada jáne barlyq deńgeıde ary qaraı dıalog júrgizýge múddelimiz. Ótken jyldary halyqtarymyz arasyndaǵy dostyq baılanys nyǵaıa tústi. Yntymaqtastyqty osyndaı baǵytta damyta túsýimiz qajet. Kavkaz arqyly ótetin temirjol boıynda turǵan Grýzııa biz úshin óte paıdaly áriptes sanalady. Grýzııa Prezıdenti Georgıı Margvelashvılıdiń aldaǵy Astanaǵa saparynda biz keń aýqymdy máselelerdi talqylap, ekijaqty ózara is-qımyldyń jańa baǵyttaryn aıqyndaımyz dep senemin», - dedi QR Prezıdenti.
Al osydan keıin qazaqstandyq BAQ ókilderi aldyna shyqqan Zýrab Abashıdze Grýzııa Prezıdenti Georgıı Margvelashvılıdiń 29-30 maýsymda Astanaǵa saparlaý máselesi sheshilip jatqandyǵyn aıtqan bolatyn.