Qazaqstan men Grýzııa volonterlik jobalar men kınofılmder almasýdy josparlap otyr
ASTANA. KAZINFORM — Mádenıet jáne aqparat mınıstri Aıda Balaeva Grýzııanyń Qazaqstandaǵy Tótenshe jáne ókiletti elshisi Levan Dıasamıdzemen kezdesti.
Taraptar mádenı-gýmanıtarlyq saladaǵy qazaq-grýzın yntymaqtastyǵynyń perspektıvalaryn talqylap, eki el arasyndaǵy ózara is-qımyldy odan ári damytýdyń áleýeti zor ekenin atap ótti.
Aıda Balaevanyń aıtýynsha, memleketter arasyndaǵy yntymaqtastyq túrli baǵyttar boıynsha belsendi damyp keledi.
— Qazaqstan men Grýzııa arasyndaǵy mádenı yntymaqtastyqtyń bolashaǵyn talqylaýǵa múmkindik týǵanyna qýanyshtymyn. Biz mádenıet, kıno, teatr, mýzyka óneri, sondaı-aq mýzeı, arhıv jáne kitaphana isi salalarynda ózara tıimdi áriptestikke ashyqpyz, — dedi mınıstr.
Kezdesý barysynda yntymaqtastyqtyń ózge de baǵyttary sóz boldy. Atap aıtqanda, volonterlik qyzmet salasyndaǵy yqtımal jobalar men Qazaqstan men Grýzııa telearnalary arasynda kınoprodýktsııa almasý máseleleri talqylandy.
Óz kezeginde Grýzııa elshisi eki el arasyndaǵy dostyq pen ózara túsinistik qaǵıdattaryna negizdelgen kópjaqty yntymaqtastyqty kezeń-kezeńimen damytý úshin bar kúsh-jigerin salýǵa daıyn ekenin jetkizdi.
Aıta ketelik TÚRKSOI: kıno óndirisi salasynda yntymaqtastyq artatyny týraly jazǵan edik.