Qazaqstan men Grýzııa Úkimetaralyq komıssııanyń 10-ynshy otyrysyn ótkizdi

NUR-SULTAN. QazAqparat - Búgin Nur-Sultan qalasynda Saýda-ekonomıkalyq yntymaqtastyq jónindegi Qazaqstan-Grýzın úkimetaralyq komıssııasynyń 10-ynshy otyrysy ótkizildi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Komıssııanyń qazaqstandyq bóligin Qazaqstannyń Indýstrııa jáne ınfraqurylymdyq damý mınıstri Roman Sklıar, al grýzın bóligin Grýzııanyń Ekonomıka jáne ornyqty damý mınıstri Natela Týrnava basqardy. Sonymen qatar, otyrysqa eki el mınıstrlikteri men múddeli kompanııalardyń ókilderi qatysty.

Otyrys barysynda eki jaqty yntymaqtastyqtyń saýda, ınvestıtsııalar, aýyl sharýashylyǵy, kólik, baılanys, aqparattyq tehnologııalar men ınnovatsııalar, ǵylym, týrızm, desaýlyq saqtaý, ónerkásip jáne ózge de salalardaǵy máseleler talqylandy.

R.Sklıar 2019 jyldyń 2 aıynda taýar aınalymynyń 29%-ǵa artýyna ákelgen ózara eksportty ilgeriletý boıynsha ótkizilgen jumysqa oń baǵa berdi (10-nan 13 mln.AQSh dollaryna artty). Qazaqstandyq eksporttyń kólemi de bıdaıdy 11-esege artyq, sondaı-aq tabıǵı gaz jáne rezına men plastmassany óndeýge arnalǵan qural-jabdyqtardy eksporttaý nátıjesinde 29%-ǵa artty.

Sonymen qatar, taraptar Transkaspıı halyqaralyq kólik baǵytyn damytý boıynsha júrgizilgen jumysty oń baǵalap, básekege qabiletti tarıftik sharttardy qabyldaý, jetkizý merzimin qysqartý jáne Transkaspıılik dáliz boıynsha júkterdiń kólemin arttyrý arqyly eki eldiń tranzıttik áleýetin damytý boıynsha jumysty jalǵastyrýǵa kelisti.

Basqosýdy qorytyndylaı kele, eki eldiń mınıstrleri Komıssııa qurylǵan kúnnen bastap ózin eki jaqty máselelerdi talqylaý men olardy sheshý úshin mańyzdy mehanızm ári qolaıly alań retinde tanytqandyǵyn atap ótti.

Komıssııanyń 10-ynshy otyrysynyń nátıjesinde tıisti hattamaǵa qol qoıyldy.

Anyqtama:

Qazaqstandyq statıstıkanyń málimetine sáıkes Qazaqstan Respýblıkasy men Grýzııa arasyndaǵy taýar aınalymynyń kólemi 2018 jyly 87 mln AQSh dollaryn qurady, ol 2017 jylǵy kórsetkishten 34,6%-ǵa artyq (64 mln.AQSh dollary).

Qazaqstan Respýblıkasynan Grýzııaǵa eksport 2018 jyly 53,6 mln AQSh dollaryn qurady, ol 2017 jylmen salystyrǵanda 38,5%-ǵa kóp (38,7 mln AQSh dollary).

Grýzııanyń Qazaqstan Respýblıkasyna ımporty 2018 jyly 33,4 mln AQSh dollaryn qurady, ol 2017 jylmen salystyrǵanda 28,9%-ǵa artyq (25,9 mln AQSh dollary).