Qazaqstan men Grýzııa ózara stýdent almasýdy qolǵa alýy múmkin
ASTANA. QazAqparat - QR Prezıdenti Nursultan Nazarbaev pen Grýzııa basshysy Georgıı Margkelashvılı stýdent almasý máselesin talqylady, dep xabarlaıdy QazAqparat tilshisi.
"Grýzııadan bizge tamaq ónimderi jetkiziledi. Sonyń ishinde sharap, kókónis pen jemis-jıdek bar. Atalǵan ónimder, ásirese, Batys Qazaqstanǵa asa qajet. Biz osy saladaǵy áriptestik baılanystardy jalǵastyratyn bolamyz. Eki eldiń mádenı-gýmanıtarlyq qarym-qatynasy da jaqsy. Ony da jalǵastyra berý kerek. Osy oraıda biz ózara stýdentter almasý jaıyn qozǵadyq. Qazaqstannyń jastary Grýzııa ýnıversıtetterinde, al grýzııalyqtar bizde oqysa, jas urpaq qazirgi dostyq dástúrimizdi ary qaraı jalǵastyra alady", - dedi Nursultan Nazarbaev birlesken málimdemege arnalǵan baspasóz máslıxatynda.
Aıta keteıik, búgin QR Prezıdenti Nursultan Nazarbaev Qazaqstanǵa resmı saparmen kelgen Grýzııa basshysy Georgıı Margkelashvılıdi Aqordada qarsy aldy. Shaǵyn quramda ótken kezdesý kezinde Grýzııa prezıdenti Georgıı Margvelashvılı Qazaqstannyń qoldaýy úshin óz xalqynyń rızashylyǵyn jetkizdi. Nursultan Nazarbaev bolsa, 90-jyldardy eske aldy. Al birlesken málimdemege arnalǵan baspasóz máslıxatynda Memleket basshysy Jibek jolyn Batýmı arqyly bolatynyn málimdedi.
