Qazaqstan men Grýzııa densaýlyq saqtaý ınfraqurylymyn jańǵyrtý boıynsha tájirıbe almasady
ASTANA. KAZINFORM — Densaýlyq saqtaý mınıstri Aqmaral Álnazarova Grýzııanyń Qazaqstan Respýblıkasyndaǵy Tótenshe jáne Ókiletti Elshisi Levan Dıasamıdzemen kezdesý ótkizdi, dep habarlaıdy mınıstrliktiń baspasóz qyzmeti
Kezdesý barysynda taraptar ekijaqty yntymaqtastyqtyń qazirgi jaı-kúıin talqylap, vedomstvoaralyq ózara is-qımyldy nyǵaıtýdyń perspektıvaly baǵyttaryn aıqyndady.
Kelissózder sheńberinde bul kezdesý Grýzııanyń dıplomatııalyq mıssııasynyń basshysy 2025 jylǵy maýsymda taǵaıyndalǵannan bergi Mınıstrlik basshylyǵy deńgeıindegi alǵashqy resmı kezdesý ekeni atap ótildi. Qazaqstan tarapy medıtsına salasyndaǵy qatynastarǵa jańa serpin berýdiń jáne olardy sapaly jańa deńgeıge kóterýdiń mańyzdylyǵyn atap ótti.
— Dıalog barysynda medıtsınalyq saqtandyrý júıelerin jetildirý máselelerine erekshe nazar aýdaryldy. Taraptar zamanaýı saqtandyrý tetikterin engizý, qyzmet kórsetý júıesine jeke sektordyń qatysýyn keńeıtý jáne medıtsınalyq uıymdardy basqarýdyń tıimdiligin arttyrý boıynsha tájirıbe almasýǵa ózara qyzyǵýshylyq tanytty. Densaýlyq saqtaý ınfraqurylymyn jańǵyrtý boıynsha birlesken sheshimder ázirleý maqsatynda turaqty konsýltatsııalyq úderis pen saraptamalyq baǵalar almasýyn jolǵa qoıý usynyldy, — delingen habarlamada.
Sondaı-aq yntymaqtastyqtyń basym baǵyttary retinde medıtsınalyq týrızmdi, farmatsevtıkalyq ónerkásipti, kadrlyq áleýetti damytý jáne tsıfrlandyrý máseleleri belgilendi.
Halyqaralyq akkredıtatsııadan ótken jetekshi qazaqstandyq klınıkalardyń shetel azamattaryna medıtsınalyq kómektiń keń spektri boıynsha joǵary tehnologııalyq qyzmet kórsetýge daıyn ekeni atap ótildi.
Taraptar dárilik qamtamasyz etý salasynda tájirıbe almasý múmkindikterin, sondaı-aq medıtsınalyq buıymdar men jabdyqtardy jetkizý baǵytyndaǵy ózara is-qımyl perspektıvalaryn talqylady.
Mamandardyń biliktiligin arttyrý jáne birlesken ǵylymı-zertteý jobalaryn iske asyrý maqsatynda beıindi bilim berý jáne ǵylymı uıymdar arasyndaǵy baılanystardy nyǵaıtýǵa qyzyǵýshylyq bildirildi.
Zamanaýı AT-sheshimderdi, elektrondyq densaýlyq saqtaý men telemedıtsınany engizý máselelerindegi ózara is-qımyldyń mańyzdylyǵy erekshe atap ótildi.
Qol jetkizilgen ýaǵdalastyqtardy iske asyrýdy baqylaý jáne vedomstvoaralyq ózara is-qımyldyń turaqtylyǵyn qamtamasyz etý úshin birlesken jumys tobyn qurý máselesin qarastyrý usynyldy.
Kezdesý qorytyndysynda taraptar áriptestik qaǵıdattaryna adaldyǵyn rastap, eki eldiń múddesi úshin odan ári yntymaqtastyqtyń jemisti damıtynyna senim bildirdi.
Osydan buryn DSM áskerde jaǵy synǵan sarbazdyń densaýlyǵyna qatysty túsinikteme berdi.