Qazaqstan men Grýzııa arasyndaǵy syrtqy saýda aınalymy 67% artty

ASTANA. QazAqparat -Qazaqstannyń syrtqy saýda palatasy Saýda-ónerkásip palatasymen birigip qazaqstandyq delegatsııanyń Tbılısı qalasyndaǵy ekonomıkalyq mıssııasy aıasynda bıznes-forým uıymdastyrady, dep habaralıdy QazAqparat.

Shara 2018 jylǵy 24 qyrkúıek kúni 09:30-da «Radisson Blu» qonaqúıinde ótedi. Qoldaý kórsetýshi - Grýzııa Respýblıkasyndaǵy Qazaqstan Respýblıkasynyń Elshiligi. Forýmnyń negizgi maqsaty - qazaqstandyq kásiporyndar men potentsıaldy grýzııalyq satyp alýshylar arasynda tikeleı baılanys ornatý, saýda qatynasyn iske qosý.

Qazaqstandyq delegatsııanyń quramynda taý-ken, qurylys jáne mashına jasaý salalaryndaǵy iri kompanııalar bar.

Saýda-ekonomıkalyq mıssııa aıasynda Qazaqstannyń Syrtqy palatasy men Grýzııanyń Saýda-ónerkásip palatasy arasynda Memorandýmǵa qol qoıý josparlanǵan.

Qazirgi tańda Qazaqstan Grýzııaǵa munaı ónimderin, azot tyńaıtqyshyn, makaron ónimderin, temirden jazyq prokat, temeki, tońazytylǵan balyq, dári-dármek eksporttaıdy. Grýzııadan Qazaqstanǵa ımporttalatyn taýarlarǵa sharap, alkolsiz sýsyndar men sýlar, spırttik tundyrma, metall qubyrlar, vaktsınalar, sút pen qoıyltylǵan kilegeı jatady.

2017 jyly ózara saýdanyń ósý qarqyny ulǵaıa túsken. Osylaısha, 2018 jylǵy qańtar men shilde aılarynyń aralyǵyndaǵy nátıjelerge sáıkes, Qazaqstan men Grýzııa arasyndaǵy syrtqy saýda aınalymy 2016 jylǵy uqsas merzimmen salystyrǵanda 67% ósip, 77 mln teńgeni qurady.