Qazaqstan men Grekııa dıplomatııalyq qarym-qatynastarynyń 25-jyldyǵyn atap ótýde

Osydan týra 25 jyl buryn 1992 jyldyń 1 qazanynda zamanaýı Qazaqstannyń syrtqy saıasatynda eleýli oqıǵasy boldy - táýelsizdikke qol jetkizgen Qazaqstan Respýblıkasy men Grek Respýblıkasy arasynda resmı túrde dıplomatııalyq qarym-qatynastarynyń negizi qalandy.

Sol tarıhı kezeńnen bastap eki el arasyndaǵy baılanys dostyq jáne senim arqasynda damý ústinde. Grekııa Qazaqstannyń BUU, EQYU, Eýropa Keńesi jáne t.b. alańdarynda kótergen túrli halyqaralyq bastamalaryn árdaıym qoldap kelýde. Afına 2017-2018 jyldary BUU Qaýipsizdik Keńesiniń turaqty emes músheligine úmittengen Qazaqstan kandıdatýrasyna biraýyzdan daýys berdi. Óz kezeginde, Qazaqstan Grekııany 2025-2026 jyldary sol uıymnyń turaqsyz múshesi ataný nıetin qoldaýda.

Memleketterdiń ekijaqty qarym-qatynastaryndaǵy eń mańyzdy oqıǵasy,  myzǵymas yntymaqtastyqtyń negizine aınalǵan 2001 jyldyń shildesinde Elbasy N.Nazarbaevtyń Grekııaǵa, al 2002 jyldyń maýsymynda Grekııa Prezıdenti Konstantınos Stefanopýlostyń saparlaryn ataýǵa bolady.  

Atalǵan eleýli saparlardan soń eki memleket arasyndaǵy qarym-qatynastar udaıy damýda, saıası jáne saýda-ekonomıkalyq únqatysý da nyǵaıý ústinde. Mysaly, 2017 jyldyń qańtar-shilde aralyǵynda qazaqstandyq-grek saýda aınalymy 627 mln AQSh dollaryna jetti (eksport - 617 mln dollar, ımport - 10 mln dollar). Qazaqstan Grekııaǵa kómirsýtekterin, bıdaı, tuz, túrli tastar, gıps, tsement, mys, mystan jasalǵan shıkizattar men t.b. eksporttaıdy.  Al, Grekııa elimizge hımııalyq jáne metallýrgııalyq óndiristeriniń ónimderi, plastık, teri men trıkotaj, aıaq kıim, mehanızmder men qurylǵylar, jáne de elektrondyq materıaldardy jóneltedi.

Ekijaqty qarym-qatynastar úshin atalǵan kún mańyzdylyǵyna oraı Qazaqstan Elshisi Alekseı Volkov 2017 jylǵy 2 qazanda Grekııa Syrtqy ister mınıstriniń Birinshi orynbasary- Ekonomıka jáne tehnologııalyq yntymaqtastyq boıynsha Úkimetaralyq komıssııasynyń grek tarapynan teńtóraǵasy Iorgos Katrýgalospen kezdesý ótkizdi.

Kezdesý basynda qazaqstandyq dıplomat grek áriptesin mereıtoılyq kúnmen quttyqtap, ekijaqty qarym-qatynastardyń odan ári tereń damýynyń túrtkisine sebep bolatyn saýda men ınvestıtsııa, saıası jáne parlamentaralyq únqatysý, mádenıet pen týrızm salalaryn damytýǵa múddeli ekenin jetkizdi. Alekseı Volkov grek tarapyna eki eldi jaqyndastyratyn ortaq tarıhı, mádenı jáne adamı baılanystardyń barshylyǵan toqtaldy. Bul oraıda, ol Qazaqstanda kóptep turatyn grek dıasporasynyń, sonymen qatar búgin de ekinshi otandarymen tamyrlaryn úzbegen grek ulty ókilderinen qurylǵan burynǵy otandastarymyzdyń erekshe rólderine erekshe nazar aýdardy.

Óz kezeginde, Iorgos Katrýgalos 25 jyl ishinde memleketter shynaı dostyq pen yntymaqtastyqtyń myzǵymas negizin qurǵanyn erekshe atap ótti. Sonymen qatar, ol Eýrazııa keńistiginde jańa kóliktik jáne saýda dálizderiniń qarqynmen damý turǵysyn Qazaqstan Afınanyń Ortalyq Azııa aımaǵyndaǵy mańyzdy jáne áleýeti joǵary áriptesi ekenin aýyzyna tıek etti.

Mereıtoıǵa oraı, 2017 jylǵy 4 qazanda Afınada «Parnassos» kontserttik zalynda Qazaqstannyń Halyq ártisi, QR Memlekettik syılyǵynyń ıegeri- Qurmanǵazy atyndaǵy Qazaq ulttyq konservatorııasynyń rektory Jánııa Áýbákirovanyń jeke kontserti ótetin bolady.