Qazaqstan men Gonkong mádenıet salasyndaǵy yntymaqtastyqty nyǵaıtpaq
Qazaqstannyń Gonkongtegi bas konsýldyǵynyń qoldaýymen QR Mádenıet jáne sport mınıstrliginiń jaýapty hatshysy Qýatjan Ýálıev pen Sıangan Arnaýly ákimshilik aýdanynyń Іshki máseleler jónindegi bıýrosynyń jaýapty hatshysy Bettı Fýng qol qoıǵan qujat Qazaqstan men Gonkongtyń mádenıet, óner, tarıhı murany saqtaý salasyndaǵy yntymaqtastyǵyn nyǵaıtýǵa negiz bolyp qalandy.
Qazaqstan delegatsııasynyń Sıangan ishki máseleler jónindegi bıýrosynyń, Mádenıet jáne demalys departamentiniń, qaladaǵy aldyńǵy qatarly mýzeıler jáne tarıhı nysandar basshylyǵymen kezdesýleri barysynda túrli mádenı sharalardy birlese ótkizý týraly naqty kelisimderge qol jetkizildi.
Gonkong tarapyna Qazaqstandaǵy rýhanı jańǵyrý protsesi jáne onyń basty baǵyttary, Memleket basshysynyń 5 áleýmettik bastamasy, qazaq tilin latyn grafıkasyna kóshirý údersteri jaıly aıtyldy.
Q. Ýálıev Gonkong polıtehnıka ýnıversıtetinde Gonkongta oqyp júrgen qazaqstandyq stýdenttermen, sondaǵy joǵary oqý oryndarynyń professor-oqytýshylar quramymen tanysty. 
Eske sala keteıik, 2017 jylǵy qarashada Gonkong turǵyndaryna alǵash ret Qazaqstan mýzeıleriniń arheologııalyq jádigerleri kórsetilgen bolatyn.
