Qazaqstan men GFR prezıdentteri shaǵyn quramda kelissóz júrgizdi
ASTANA. KAZINFORM – Memleket basshysy Germanııaǵa saparmen kelýge shaqyryp, qonaqjaılyq kórsetkeni úshin Frank-Valter Shtaınmaıerge alǵys aıtty.
Qazaqstan Prezıdenti Germanııa elimizdiń Eýropadaǵy basty strategııalyq seriktesi sanalatynyna, al ekijaqty yntymaqtastyq ózara senimge, qurmetke jáne ortaq múddege negizdelgenine nazar aýdardy.
Qasym-Jomart Toqaev kelesi jyly dıplomatııalyq qatynas ornaǵanyna 35 jyl tolatynyn eske saldy. Osynaý kezeńde eki el seriktestiktiń barlyq baǵytynda eleýli tabysqa qol jetkizdi.
Prezıdent Frank-Valter Shtaınmaıer Qasym-Jomart Toqaevtyń Astana men Berlın arasyndaǵy san qyrly yntymaqtastyqty keńeıtýge qosqan úlesin joǵary baǵalaıtynyn jetkizdi.
Ol Qazaqstan Prezıdentiniń bul sapary ekijaqty qarym-qatynasqa tyń serpin berip, múldem jańa deńgeıge shyǵaratynyna senim bildirdi.
Qasym-Jomart Toqaev rezıdentsııadaǵy Qurmetti qonaqtar kitabynda estelik jazba qaldyrdy.
Germanııa Federatıvtik Respýblıkasynyń Qorǵanys mınıstrliginde Berlınge resmı saparmen kelgen Qazaqstan Prezıdenti Qasym-Jomart Toqaevty qarsy alý rásimi ótkenin jazǵan edik.
