Qazaqstan men Germanııa jerasty sýyn basqarýǵa arnalǵan aqparattyq júıe engizýge kelisti

ASTANA.KAZINFORM - «Qazgıdrogeologııa» ulttyq gıdrogeologııalyq qyzmetiniń basqarma tóraǵasy Bolat Beknııaz Germanııanyń Halyqaralyq yntymaqtastyq qoǵamynyń (GIZ) ókilderimen kezdesti. Bul týraly Sý resýrstary jáne ırrıgatsııa mınıstrligi habarlady.

Kezdesýde Qazaqstanda Water Base aqparattyq júıesin engizý máselesi talqylandy. Bul júıe jerasty sýynyń jaǵdaıyn baqylaýdy, sý resýrstarynyń tizimin jasaýdy, kartografııalyq vızýalızatsııany, taldamalyq aqparat qurastyrýdy, qashyqtaǵy derekkózderden, onyń ishinde baqylaý datchıkterinen jedel derekter alýdy, sondaı-aq basqa uıymdarmen jáne baǵynysty mekemelermen aqparat almasýdy qamtamasyz etedi.

Water Base júıesin engizý aıasynda kompıýterlik jáne serverlik jabdyqtar beriledi, sondaı-aq júıeni beıimdeý qyzmetteri kórsetiledi.

GIZ ókilderi Sý resýrstary jáne ırrıgatsııa mınıstrliginiń mamandaryn Tashkent qalasyndaǵy aqparattyq júıeniń jumysymen tanystyrýdy uıymdastyrýǵa daıyn ekenin bildirdi.

– Tsıfrlandyrý tek jerústi emes, jerasty sý resýrstaryn da qamtýy qajet. Ulttyq gıdrogeologııalyq qyzmet Ózbekstandaǵy áriptesterimen jáne Germanııanyń halyqaralyq yntymaqtastyq qoǵamymen birlesip, jerasty sýyn basqarý júıesin jańǵyrtý baǵytynda belsendi jumys júrgizip keledi. Water Base júıesin engizý jerasty sý qoryn baqylaý men basqarýdy jaqsartýǵa múmkindik beredi, – dedi «Qazgıdrogeologııa» ulttyq gıdrogeologııalyq qyzmetiniń basqarma tóraǵasy Bolat Beknııaz.

Aıta keteıik, Astana halqy jerasty sýyn da tutyna bastaıdy.