Qazaqstan men Germanııa «jasyl ekonomıkany» birlesip damytýǵa nıetti
NUR-SULTAN. QazAqparat - QR Premer-Mınıstriniń orynbasary Roman Sklıar jáne german kompanııalarynyń basshylary onlaın-kezdesý ótkizdi, dep habarlaıdy QazAqparat Úkimettiń resmı saıtyna silteme jasap.
Kezdesý barysynda barysynda «jasyl ekonomıkany» damytý, shıkizatty dekarbonızatsııalaý, qaıta óńdeý jáne sýtegi ekonomıkasy salasyndaǵy yntymaqtastyq máselesi talqylandy.
Kezdesýge Siemens Energy, Linde, Deutsche Bahn, REMONDIS, Deutsche Bank, Bayer, SAP, Goldbeck Solar jáne basqa da 80-nen astam jetekshi nemis kompanııalarynyń basshylary men ókilderi qatysty.
German ekonomıkasy Shyǵys komıtetiniń basqarýshy dırektory Mıhael Harms sóz sóılep, eki eldiń saýda-ekonomıkalyq jáne ınvestıtsııalyq yntymaqtastyǵyn damytýdyń mańyzdylyǵyn atap ótti.
Onlaın-kezdesý barysynda Germanııanyń jetekshi kompanııalarynyń basshylary «jasyl ekonomıkany» damytý perspektıvalaryna, ekijaqty yntymaqtastyq áleýetine jáne birlesken jobalardy iske asyrýǵa erekshe nazar aýdardy.
Kezdesý sońynda «suraq-jaýap» formatynda pikirtalas ótti.