Qazaqstan men Germanııa strategııalyq seriktestikti nyǵaıtýdy kózdep otyr
ASTANA. QazAqparat - Qazaqstan men Germanııa strategııalyq seriktestikti odan ári keńeıtýge jáne tereńdetýge, joǵary tehnologııalyq ekonomıkalyq yntymaqtastyqty nyǵaıtýǵa, ásirese Qazaqstannyń ekonomıkasyn jańǵyrtý jáne ındýstrııalyq tehnologııalardy engizý turǵysynan múddeli, dep habarlaıdy QazAqparat QR SІM baspasóz qyzmetine silteme jasap. Osy jáne ózge de máseleler Berlınde QR Syrtqy ister mınıstriniń orynbasary Roman Vasılenko jáne GFR Syrtqy ister mınıstrliginiń Shyǵys Eýropa, Kavkaz jáne Ortalyq Azııa elderimen yntymaqtastyq boıynsha Ýákili Andreas Peshke deńgeıinde ótken eki eldiń syrtqy saıası vedomstvolary arasyndaǵy saıası keńester aıasynda talqylandy.
Kelissózderdiń kún tártibinde ekijaqty formattaǵy, sondaı-aq halyqaralyq uıymdar aıasyndaǵy ózara is-qımyl máseleleri talqylandy. Taraptar eki el basshylyǵynyń turaqty baılanystary men ózara saparlary barlyq salalarda turaqty damý men yntymaqtastyqty nyǵaıtýǵa úles qosatynyn atap ótti.
«Federaldyq prezıdent Frank-Valter Shtaınmaıerdyń 2017 jylǵy shilde aıynda Halyqaralyq EKSPO kórmesi sheńberinde Germanııanyń Ulttyq kúnin ashý maqsatynda Astanaǵa kelýi men onyń Prezıdent Nursultan Nazarbaevpen kelissózderi shıkizat, ónerkásip jáne tehnologııalyq seriktestikti odan ári damytýǵa, «Nazarbaev-Merkel» dep atalatyn bastama - Qazaqstanda dýaldy bilim berý júıesin birlese damytýǵa qýatty serpin berip, «Belbeý men jol bastamasy» sheńberinde yntymaqtastyqtyń jańa perspektıvalaryn anyqtaýǵa múmkindik berdi», - dep málimdedi R. Vasılenko.
Qazaqstandyq dıplomat nemis áriptesterin Germanııanyń 2019-2020 jyldarǵa BUU Qaýipsizdik Keńesine turaqty emes múshe retinde saılanýymen quttyqtap, qaýipsizdik pen yntymaqtastyqtyń eń ózekti problemalaryn ujymdyq sheshý maqsatynda atalǵan uıym aıasynda jáne basqa da halyqaralyq ınstıtýttar sheńberinde tyǵyz yntymaqtastyqty jalǵastyrýǵa úmitin bildirdi.
Osyǵan baılanysty R. Vasılenko kelesi jyly qabyldanatyn Ortalyq Azııa úshin jańa EO strategııasyn ázirleý sheńberinde Germanııamen yntymaqtastyqtyń mańyzdylyǵyn atap ótti.
«2007 jyly Germanııa bastamashy bolǵan qazirgi Strategııa óńirlik ózara árekettestikke qýatty serpin berip, EO men Ortalyq Azııanyń barlyq memleketteri arasyndaǵy serpindi jáne keńeıtilgen yntymaqtastyqty damytýdyń bastapqy kezeńine aınaldy», - dedi dıplomat.
«Bizdiń ekijaqty qarym-qatynasymyzǵa keletin bolsaq, Germanııa - Qazaqstannyń EO-daǵy basty saýda-ekonomıkalyq áriptesteriniń biri. Sońǵy derekter daǵdarystyń áserinen 2014-2016 jyldary quldyraǵan bizdiń elderimizdiń taýar aınalymynyń deńgeıi is júzinde qalpyna keltirilgenin kórsetedi», - dedi ol.
Kezdesý barysynda nemis tarapy Qazaqstandaǵy memleket pen qoǵamdy jańǵyrtý úderisteri, sondaı-aq QR basshylyǵynyń negizgi syrtqy saıası bastamalary týraly habarlandy. Mınıstr orynbasarynyń aıtýynsha, Memleket basshysynyń bastamasymen júzege asyrylyp jatqan saıası jáne áleýmettik-ekonomıkalyq reformalar bıliktiń zań shyǵarý tarmaǵynyń atqarýshy bılikke baqylaýyn kúsheıtýge, memlekettik basqarý júıesiniń tıimdiligin jáne saıası júıeniń turaqtylyǵyn arttyrýǵa, sondaı-aq el ekonomıkasynyń qarqyndy ósýi esebinen halyqtyń ál-aýqatyn jaqsartýǵa baǵyttalǵan.
Qazaqstan Respýblıkasyndaǵy ishki reformalar nemis ınvestorlarynyń senimin nyǵaıtyp jáne memleketter arasyndaǵy ınvestıtsııalyq yntymaqtastyqty keńeıtýge yqpal etip jatqanyn nemis tarapy atap ótti. Oǵan qosa, nemis dıplomatynyń pikirinshe, Qazaqstan óz damýyn durys baǵytta jalǵastyryp jáne halyqaralyq dıalogqa úlken úles qosyp keledi. Bul turǵyda A. Peshke álemdik qaýymdastyq úshin kóptegen mańyzdy jáne mazmundy kezdesýler men kelissózder ótkiziletin álemdik arenadaǵy mańyzdy ortalyqqa aınalǵan Qazaqstannyń elordasy Astananyń erekshe rólin atap ótti.
Taraptar ekijaqty jáne kópjaqty árekettesý aıasyndaǵy yntymaqtastyqty odan ári keńeıtýge múddelilik bildirip, jaqyn arada birlesken jumys josparyn belgiledi.
