Qazaqstan men Germanııa nemisteri halyqaralyq konferentsııa ótkizýdi josparlaýda

ASTANA. QazAqparat - Qazaqstan men Germanııa nemisteri halyqaralyq konferentsııa ótkizýdi josparlaýda. Bul týraly búgin baspasóz máslıhatynda Qazaqstan halqy Assambleıasy keńesiniń múshesi, Qazaqstan nemisteri qaýymdastyǵynyń basshysy Aleksandr Dederer málim etti.

«Biz Qazaqstanda jáne Germanııada túrli qurylymdarmen birdeı qarym-qatynas jasap turamyz. Bıyl qazan aıynda biz «Qazaqstan nemisteri - Astana men Berlın arasyndaǵy kópir» atty halyqaralyq konferentsııa uıymdastyrýdy josparlaýdamyz. Bul konferentsııa osy taqyrypty jan-jaqty ashýǵa, ony tereń mánmen toltyrýǵa baǵyttalǵan. Onyń qorytyndysy negizinde ózimizdiń tujyrymdamamyzdy jasaqtap, júzege asyratyn bolamyz», - dep atap ótti birlestik basshysy.

Onyń sózine qaraǵanda, bizdiń o basta Germanııaǵa kóshken jerlester Qazaqstan atyn áıgileýge, bizdiń elimizdi tanystyrýda úlken úles qosyp keledi.

«Osynyń arqasynda germanııalyqtardyń basym bóligi Qazaqstandy jaqsy biledi, tipti kórshi memleketteı jaqyn kóredi», - deıdi A. Dederer.