Qazaqstan men Germanııa qurylys salasyndaǵy yntymaqtastyq máselelerin talqylaýda

ASTANA. 24 sáýir. QazAqparat - Búgin Magdebýrg qalasynda QR Premer-mınıstriniń birinshi orynbasary Serik Ahmetov basqarǵan QR Úkimettik delegatsııasy Germanııanyń birqatar kásiporyndarynyń qyzmetimen tanysyp ótti, dep habarlandy pm.kz saıtynda.

Delegatsııa Qazaqstandaǵy qoljetimdi úı qurylysy úshin zamanaýı jabdyqtar men joǵary tehnologııalardy qoldaný salasyndaǵy yqtımal yntymaqtastyqty talqylaý boıynsha kelissózder ótken «Müller-Altvatter GmbH», B.T. innovation GmbH kompanııasynyń úı salý kombınatynyń qyzmetimen tanysyp ótti.

Sondaı-aq S.Ahmetov Saksonııa Federaldyq jeriniń Premer-mınıstri Anhalt Raıner Hazeloffpen kezdesti.

Tústen keıin qazaqstandyq delegatsııa «Euroglas GmbH» kompanııasynyń shyny zaýytyna bardy. Munda taraptar germanııalyq «DTEC Engineering» kompanııasymen birigip QR aýmaǵynda tabaq shyny shyǵaratyn alǵashqy zaýyt qurylysy máselesin talqylady.

Memleket basshysy Nursultan Nazarbaev halyqqa «Áleýmettik-ekonomıkalyq jańǵyrtý - Qazaqstan damýynyń basty baǵyty» Joldaýynda respýblıkada azamattardy qoljetimdi turǵyn úımen qamtamasyz etý baǵdarlamasyn jasap, iske asyrýdy tapsyrdy. Osyǵan baılanysty, QR Úkimeti «Qoljetimdi turǵyn úı-2020» baǵdarlamasynyń jobasyn jasady, ony qabyldaý kelesi aıǵa josparlanyp otyr.