Qazaqstan men Germanııa qaı salalarda birlesken jobalar jasaıdy
Qazaqstan men Germanııanyń iri jáne orta bıznesteri arasynda mańyzdy kommertsııalyq kelisimder bekitildi, dep habarlaıdy QazAqparat.
Qasym-Jomart Toqaev Germanııa Federatıvtik Respýblıkasyna resmı saparmen bardy jáne Federaldyq kantsler Olaf Sholtspen kelissózderden keıin tilshilermen baspasóz máslıhatyn ótkizdi.
«Búgingi kezdesýde munaı-gaz hımııasy, metallýrgııa, kólik, logıstıka syndy perspektıvti salalarda birlesken jobalardy iske asyrý máselelerin jan-jaqty talqyladyq. Meniń saparymnan keıin iri jáne orta nemis bıznesiniń kóshbasshylarymen birqatar kezdesýler ótkizý qarastyrylǵan», - dedi Qasym-Jomart Toqaev Germanııada tilshilerge bergen baspasóz máslıhatynda.
Prezıdenttiń aıtýynsha, búgingi kezdesý qarsańynda Siemens, Deutsche Bahn, Siemens Energy, Linde syndy negizgi seriktestermen mańyzdy kommertsııalyq kelisimderge qol qoıylǵan.
«Bul qujattar memleketterimiz arasyndaǵy ekonomıkalyq baılanystardy odan ári nyǵaıtýǵa eleýli serpin berýge baǵyttalǵan», - dedi Memleket basshysy.
