Qazaqstan men Germanııa ǵylym men bilim salalarynda tyǵyz yntymaqtastyq ornatady
«TALAP» qoldanbaly zertteýler ortalyǵynyń sarapshysy Erik Batyrhanov Memleket basshysy Qasym-Jomart Toqaevtyń Germanııaǵa saparyna oraı pikir bildirdi, dep habarlaıdy QazAqparat tilshisi.
«Qazaqstan Prezıdenti Qasym-Jomart Toqaevtyń Germanııaǵa sapary óte mańyzdy ekendigin atap ótkim keledi. Halyqaralyq qarym-qatynasta túrli deńgeıdegi alýantúrli saparlardyń bar ekeni belgili. Al bul – Memleket basshymyzdyń resmı sapary. Prezıdentimizdi ushaq basqyshynan qaraýyl qarsy aldy. ıAǵnı, bul kezdesýdiń qanshalyqty joǵary deńgeıde ótetindigin bildiredi. Osy jyldyń maýsymynda Germanııanyń Federaldy Prezıdenti Frank-Valter Shtaınmaıer Qazaqstanǵa saparlaǵanyn aıta ketken jón. Ol da joǵary deńgeıdegi sapar boldy», - dedi ol agenttik tilshisine.
Sarapshy Qazaqstan Prezıdentiniń sapary Ortalyq Azııa elderi jáne Germanııa basshylarynyń kezdesýi qarsańynda ótip jatqanyna nazar aýdartty.
Onyń aıtýynsha, Germanııada tehnologııa, ónerkásip, ken óndirý óte jaqsy damyǵan. Al Memleket basshysy Qasym-Jomart Toqaev elimizde sırek kezdesetin metalldardy barlaý qajettigin birneshe márte atap ótti.
«Al ol tek shyǵyndy ǵana emes sonymen qatar tehnologııalardy da qajet etedi. Osyǵan oraı bul baǵytta da áńgime bolady dep oılaımyn. Elimizdiń aýmaǵynda paıdaly qazbalardy barlaǵany, óndirgeni úshin onyń ornyna tehnologııa alamyz. Meniń bilýimshe, ken jerimizde óndirilip qana qoımaı óńdelýi úshin kelissóz júrgiziledi. Al bul tehnologııa múldem basqa, barynsha kúrdeli protses», - dedi sarapshy.
Erik Batyrhanovtyń atap ótýinshe, Qazaqstan men Germanııa shıkizat negizinde ǵana yntymaqtastyqty jol qoımaıdy. Saýda-ekonomıkalyq yntymaqtastyq jónindegi úkimetaralyq jumys toby jumys isteıdi. Investıtsııa salasyndaǵy yntymaqtastyqty nyǵaıtý jónindegi jumys toby – Berlın eýrazııalyq klýby bar.
«ıAǵnı, elderimiz arasyndaǵy ózara is-qımyl úshin óte kóp alań bar. Bilim salasyn aıtar bolsaq, Esenov atyndaǵy Kaspıı tehnologııa jáne ınjenerııa ýnıversıteti bazasynda Qazaqstan-nemis turaqty ınjenerııa ınstıtýty ashyldy. Sonymen qatar Shyǵys Qazaqstan tehnıka ýnıversıtetiniń bazasynda Qazaqstan-nemis ǵylym jne tehnologııa ınstıtýtyn ashý josparlanǵan. ıAǵnı, ǵylym, bilim salalarynda tyǵyz yntymaqtastyq júrip jatyr. Menińshe, Germanııa – eýropalyq qýatty memleketterdiń biri. Eýropalyq odaqtaǵy kúrdeli geosaıası ahýaldy eskerer bolsaq, Germanııa Ortalyq Azııaǵa qaıtadan ashylady jáne Qazaqstan taǵy da kóshbasy bolady», - dedi ol.
